दिल्ली विधानसभा निवडणुकीच्या निकालानंतर आज बाजारात कमजोरी पाहायला मिळाली. सेन्सेक्स आणि निफ्टीने कमजोरीसह सुरुवात केली. सेन्सेक्स 71 अंकांनी घसरून 77,789 वर उघडला, तर निफ्टी 16 अंकांनी घसरून 23,543 वर उघडला. त्याचवेळी, बँक निफ्टी 106 अंकांनी घसरून 50,052 वर उघडला. रुपया 50 पैशांनी कमजोर होऊन 87.95/$ च्या विक्रमी नीचांकी पातळीवर उघडला.
थोड्याच वेळात सेन्सेक्स आणि निफ्टी दिवसभरातील नीचांकी पातळीवर व्यापार करू लागले. सेन्सेक्समध्ये 600 अंकांची मोठी घसरण झाली, तर निफ्टी 180 अंकांनी घसरला.
हेही वाचा : डोनाल्ड ट्रम्प यांच्या घोषणांमुळे रुपया आणि शेअर बाजार कोसळला; सोने सर्वकालीन उच्चांकी पातळीवर
बाजार उघडताना सेन्सेक्स-30 मधील टॉप गेनर्समध्ये हिंदुस्तान युनिलिव्हर, भारती एअरटेल, अदानी पोर्ट्स आणि टीसीएस यांचे शेअर्स दिसून आले. तर, निफ्टीमध्ये BEL, M&M, अदानी पोर्ट्स आणि भारती एअरटेल टॉप गेनर्सच्या यादीत राहिले.
शेअर बाजारासाठी आज अनेक बातम्या ट्रिगर ठरू शकतात. टॅरिफ वॉर आणि महागाईच्या भीतीमुळे शुक्रवारी अमेरिकन बाजारात मोठ्या प्रमाणात विक्री झाली होती. डाऊ 450 अंकांनी तर नॅस्डॅक 275 अंकांनी घसरून दिवसभराच्या नीचांकी पातळीवर बंद झाले. ट्रम्प यांनी टॅरिफ वॉरला अधिक तीव्र केले आहे. आज ते स्टील आणि अॅल्युमिनियम आयातीवर 25% टॅरिफ लावण्याची घोषणा करू शकतात. तसेच, या आठवड्यात अनेक देशांवर प्रत्युत्तरात्मक टॅरिफ लागू करण्याची शक्यता आहे.
या कंपन्यांवर ठेवा नजर
आज निफ्टीमध्ये Apollo Hospital, Grasim आणि Eicher Motors यांचे तिमाही निकाल जाहीर होणार आहेत. BHEL ला महाराष्ट्र स्टेट पॉवर जनरेशन कंपनीकडून 8,000 कोटींचा मोठी ऑर्डर मिळाली आहे, त्यामुळे त्याचा परिणाम कंपनीच्या शेअर्सवर दिसू शकतो.
