जळगाव : शहरातून जाणाऱ्या भरधाव वाहनांमुळे अपघाताचे प्रमाणात वाढ झालीआहे. अशाच एका भरधाव वाहनाच्या धडकेत दुचाकीस्वार गत प्राण झाल्याची घटना गुरुवार, २५ जुलै रोजी आकाशवाणी चौकात घडली.याप्रकरणी जिल्हापेठ पोलीस स्टेशनला गुन्हा दाखल करण्याचे काम सुरु होते.
शहरातील आकाशवाणी चौकात झालेल्या अपघातात शेख रऊफ शेख अब्दुल्ला बेलदार (वय ६९, रा. अक्सा नगर, जळगाव) हे मृत्युमुखी पडले. त्यांच्या पश्चात पत्नी,चार मुलं असा परिवार आहे. शेख रऊफ हे महाबळकडून दुचाकी क्रमांक (एमएच १९ बीडी २७५१) ने जात होते. गजबजलेल्या आकाशवाणी चौकात आल्यावर त्यांना पाळधीकडून भुसावळकडे जाणारा ट्रक क्रमांक (आरजे ११ जीबी ७६४२) ने त्यांच्या दुचाकीला जोरदार धडक दिल्याची घटना दुपारी २ वाजेच्या सुमारास घडली. आहे. नागरीकांच्या मदतीने मृतदेह शासकीय वैद्यकीय महाविद्यालयात आणण्यात आला आहे. यावेळी जिल्हापेठ पोलीसांनी घटनास्थळी जाऊन ट्रक ताब्यात घेतला आहे. याप्रकरणी जिल्हापेठ पोलीस स्टेशनला गुन्हा दाखल करण्याचे काम सुरु होते. दरम्यान, आकाशवाणी चौकात प्रचंड खड्डे पडले असून या खड्ड्यांमुळे वाहनधारकांची जीव धोक्यात आलेला आहे.
