---Advertisement---
Spy Camera : सध्या छुप्या कॅमेऱ्याने शुटिंग करून ब्लॅकमेल करण्याच्या घटना सातत्याने घडत आहे. हॉटेलच्या खोलीत छुप्या कॅमेऱ्याने जोडप्यांचे वैयक्तिक क्षण रेकॉर्ड करत ब्लॅकमेल केल्याच्या अनेक घटना आपण ऐकत असतो. हे छुपे कॅमेरे सहसा हॉटेलमधील बाथरूमच्या बल्बमध्ये किंवा आरशात लपलेले असतात. कधी कधी तुमच्या खोलीत कॅमेरा आहे की नाही हे समजतच नाही आणी रेकॉर्डींग करून ब्लॅकमेल केलं जातं. असा प्रसंग आपल्यावर ओढवू नये अस वाटत असेल तर ही माहिती तुमच्यासाठी आहे. एखाद्या खोलीत स्पाय कॅमेरा आहे की नाही? हे कसं शोधावं जाणून घेऊया.
लोकांसाठी स्पाय कॅमेराच्या मदतीने रेकॉर्डिगच्या घटना नवीन नाही. अशा अनेक घटना घडत असतात. तुमच्या सोबत अस होऊ नये यासाठी तुम्हाला काही गोष्टी लक्षात घ्याव्या लागतील. अशा काही काही टिप्स फॉलो करुन तुम्ही कोणताही स्पाय कॅमेरा अगदी सहज शोधू शकता आणि स्वतःची होणारी फसवणूक थांबवू शकता. यासाठी सर्वात आधी तुम्ही ज्या रुममध्ये आहात त्याची व्यवस्थित पाहणी करा.
या ठिकाणी असू शकतो स्पाय कॅमेरा
सामान्यतः स्पाय कॅमेरा कोणाच्या लक्षात येवू नये यासाठी तो अशा ठिकाणी लावला जातो. ज्या ठिकाणी कोणाचे लक्ष सहजासहजी जात नाही. यात सामान्यतः स्पाय कॅमेरा हा सॉफ्ट टॉय, शोकेस, फ्लॉवर पॉट, घड्याळ, बल्ब, स्मोक डिटेक्टर आणि एसीमध्ये स्पाय कॅमेरा लपवलेला असतो. त्या ठिकाणी विशेष लक्ष द्यावे. त्यानुसार, तुम्ही ही ठिकाणे नीट तपासावीत. या ठिकाणी स्पाय कॅमेरा असल्यास त्या कॅमेऱ्यातून काही प्रकाश येताना दिसेल, हा प्रकाश रिफ्लेक्ट होतो.
फ्लॅश लाइटनेही ओळखू शकता
तुम्ही आहे त्या ठिकाणी स्पाय कॅमेरा आहे की नाही हे तपासण्यासाठी तुम्ही खोलीत अंधार करत फ्लॅश लाइटने फोकस करावा. यामुळे तुम्हाला स्पाय कॅमेऱ्यातून रिफ्लेक्शन दिसेल. जे स्पाय कॅमेऱ्यातून होणाऱ्या रेकॉर्डींगपासून तुमचे संरक्षण करेल.
वाय-फाय नेटवर्कवरुनही लक्षात येतो स्पाय कॅमेरा
हल्लीचं युग हे इंटरनेटचं युग मानलं जातं. बऱ्याच गोष्टींचा इंटरनेटच्या सहाय्याने वापर होत असतो. अशातच तुम्ही एखाद्या हॉटेलच्या खोलीत असाल आणि तुम्हाला जवळपास कोणतेही अनोळखी वाय-फाय नेटवर्क दिसल्यास ते स्पाय कॅमेऱ्याचे असू शकते. काही कॅमेरे मेमरी कार्डसह येतात. त्यांना वाय-फायची आवश्यकता नसते, यावरुन तुम्ही सावधता बाळगली पाहिजे.
लाल किंवा हिरवा एलईडी लाइट
स्पाय कॅमेऱ्याची निर्मिती अशा पद्धतीने केली असते की, त्यात काही एलईडी लाईट असतात. लाल किंवा हिरव्या रंगाचे हे एलईडी लाईट असतात. या एलईडी लाईट्सवरुन स्पाय कॅमेरा आहे की नाही ते ओळखता येवू शकते. या पद्धतीने तुम्ही कोणताही स्पाय कॅमेरा सहज शोधू शकता.
ॲप्सचा वापर करू शकता
वरील सर्वा उपायांसह तुम्ही अजून एक उपाय स्पाय कॅमेरा शोधण्यासाठी करु शकता. तो म्हणजे मोबाईल ॲपचा वापर. स्पाय कॅमेरा शोधण्यासाठी तुम्ही काही खास मोबाईल ॲप्स वापरू शकता. असे अनेक ॲप्स आहेत जे तुम्हाला छुपा कॅमेरा शोधण्यात मदत करतात.
