तरुण भारत लाईव्ह । ७ जानेवारी २०२३। सुकामेवा खाणे आपल्या आरोग्यासाठी खूप फायदेशीर असते. खासकरून थंडीमध्ये सुकामेवा हा प्रत्येक व्यक्तीने खाल्ला पाहिजे. सुकामेवा मध्ये पुरेसे प्रोटीन फायबर व्हिटॅमिन्स असते. त्यासोबतच तुम्ही खजुराचे सेवन देखील करू शकता. खजूर खाण्याचे अनेक फायदे आहेत ते आपण जाणून घेऊया.
खजुराच्या सेवनाने तुमची समरणशक्ती वाढते त्याचबरोबर तुमची कार्यक्षमता देखील सुधारते. यासाठी रात्री खजूर पाण्यात भिजवून ठेवावे आणि सकाळी त्याचे सेवन करावे. खजूरमध्ये मुबलक प्रमाणात कॅल्शिअम असते. रोज सकाळी भिजवलेले खजूर खाल्ल्याने कोलेस्ट्रॉल नियंत्रित राहण्यास मदत होते.खजूर खाल्याने हाडांना मजबुती येते आणि वजन नियंत्रणात राहण्यास देखील मदत होते.
खजुराच्या सेवनाने रक्त शुद्ध होते आणि त्वचा चमकू लागते. त्यासोबतच ज्यांना सांधेदुखी आहे त्यांनी रिज खजुराचे सेवन केले पाहिजे.भिजवलेल्या खजूरमध्ये मॅंगनीज, तांबे, सेलेनिअम आणि मॅग्नेशिअम यासारखे अनेक पोषक घटक असतात. खजुराच्या नियमीत सेवनाने कोलेस्ट्रॉल सुधारते. तसेच खजुराच्या नियमित सेवनाने रोगप्रतिकारक शक्ती सुधारते त्याबरोबर आपले आरोग्य देखील चांगले राहते. पोटाशी संबंधित अनेक समस्या दूर ठेवण्यास मदत होते. त्यामुळे रोज सकाळी भिजवलेले खजूर खावे.
