भुसावळ : रेल्वे प्रवाशांची अतिरिक्त गर्दी टाळण्यासाठी रेल्वे प्रशासनाने भुसावळ ते दादर दरम्यान धावणाऱ्या विशेष गाड्यांचा कालावधी वाढविला असून, यामुळे प्रवाशांना दिलासा मिळाला आहे.
ट्रेन क्रमांक ०९०५१ दादर ते भुसावळ त्री साप्ताहिक विशेष अधिसूचित गाडी ३१ मार्च २०२५ पर्यंत चालविण्यात येणार आहे. यामुळे प्रवाशांना दिलासा मिळाला आहे.
या विशेष गाड्या आतापर्यंत मर्यादित कालावधीसाठी चालविण्यात येत होत्या, परंतु आता या गाड्यांचा कालावधी ३१ मार्च २०२५ पर्यंत वाढविण्यात आला आहे.
ट्रेन क्रमांक ०९०५२ भुसावळ ते दादर त्री साप्ताहिक विशेष अधिसूचित गाडी ३१ मार्च २०२५ पर्यंत वाढविण्यात आली आहे. तसेच, ट्रेन क्रमांक ०९०४९ दादर ते भुसावळ साप्ताहिक विशेष अधिसूचित गाडी २८ मार्च २०२५ पर्यंत चालविण्यासाठी वाढविण्यात आली आहे. ट्रेन क्रमांक ०९०५० भुसावळ ते दादर साप्ताहिक विशेष अधिसूचित गाडी २८ मार्च २०२५ पर्यंत वाढविण्यात आली आहे.
वरील विशेष ट्रेनच्या वेळा, थांबा आणि रचना यामध्ये कोणताही बदल केला गेलेला नाही. प्रवाशांना विशेष रेल्वे सेवेचा लाभ घेण्याचे आवाहन रेल्वे प्रशासनाकडून करण्यात आले आहे.
