नवी दिल्ली : आम आदमी पक्षाचे नेते आणि दिल्लीचे माजी उपमुख्यमंत्री मनीष सिसोदिया यांना पुन्हा एकदा न्यायालयाकडून झटका बसला आहे. दिल्ली दारू धोरणाशी संबंधित सीबीआय प्रकरणात राऊस एव्हेन्यू कोर्टाने दिल्लीचे माजी उपमुख्यमंत्री मनीष सिसोदिया यांच्या न्यायालयीन कोठडीत 22 जुलैपर्यंत वाढ केली आहे. मनीष सिसोदिया यांना व्हिडिओ कॉन्फरन्सिंगद्वारे कोर्टात हजर करण्यात आले. या प्रकरणाची पुढील सुनावणी 22 जुलै रोजी राऊस ॲव्हेन्यू कोर्टात होणार आहे.
अलीकडेच दिल्लीचे माजी उपमुख्यमंत्री मनीष सिसोदिया यांनी दिल्ली उच्च न्यायालयाने दिल्ली दारू घोटाळा प्रकरणात जामीन मिळावा म्हणून निराश होऊन सर्वोच्च न्यायालयात धाव घेतली होती. मनीष सिसोदिया यांनी जामिनासाठी सर्वोच्च न्यायालयात दाद मागितली होती. दिल्लीचे माजी उपमुख्यमंत्री आणि आम आदमी पक्षाचे नेते मनीष सिसोदिया यांनी सीबीआय आणि ईडी प्रकरणात जामीन देण्याची मागणी करत दिल्ली उच्च न्यायालयाच्या निर्णयाला सर्वोच्च न्यायालयात आव्हान दिले होते.
दिल्लीचे माजी उपमुख्यमंत्री आणि आम आदमी पक्षाचे नेते मनीष सिसोदिया यांना सीबीआयने 26 फेब्रुवारीला आणि ईडीने 9 मार्चला दिल्ली उत्पादन शुल्क धोरण प्रकरणात अटक केली होती. यानंतर त्यांनी केजरीवाल यांच्या मंत्रिमंडळाचा राजीनामा दिला. सिसोदिया सध्या तिहार तुरुंगात आहेत.
