डोडा जिल्ह्यात सोमवारी रात्री दहशतवादी आणि सुरक्षा दलांमध्ये चकमक झाल्याची घटना समोर आली आहे. या चकमकीत एका लष्करी अधिकाऱ्यासह ४ जवान शहीद झाले. सध्या परिसरात शोधमोहीम राबविण्यात येत आहे.
जम्मू: डोडा जिल्ह्यातील जंगल परिसरात सोमवारी रात्री दहशतवादी आणि सुरक्षा दलांमध्ये चकमक झाली. या चकमकीत ४ जवान शहीद झाल्याचे वृत्त आहे. अधिकाऱ्यांनी सांगितले की, राष्ट्रीय रायफल्स आणि जम्मू-काश्मीर पोलिसांच्या स्पेशल ऑपरेशन ग्रुपच्या जवानांनी दुपारी २:४५ च्या सुमारास देसा वन क्षेत्रातील धारी गोटे उर्बगी येथे संयुक्त घेराव आणि शोध मोहीम सुरू केली. यानंतर चकमक सुरू झाली.
चार जवान शहीद
जम्मू आणि काश्मीरच्या डोडा जिल्ह्यात जोरदार सशस्त्र दहशतवाद्यांशी झालेल्या गोळीबारात गंभीर जखमी झालेल्या एका अधिकाऱ्यासह चार जवानांचा मंगळवारी पहाटे मृत्यू झाला, अशी माहिती अधिकृत सूत्रांनी दिली. सोमवारी संध्याकाळी उशिरा राष्ट्रीय रायफल्स आणि जम्मू आणि काश्मीर पोलिसांच्या स्पेशल ऑपरेशन ग्रुपच्या जवानांनी डोडा शहरापासून सुमारे ५५ किमी अंतरावर असलेल्या देसा वनक्षेत्रातील धारी गोटे उरारबागी येथे संयुक्त घेराव आणि शोध मोहीम सुरू केली तेव्हा ही चकमक झाली.
दहशतवाद्यांशी चकमक
ते म्हणाले की, गोळीबाराच्या थोड्या वेळानंतर दहशतवाद्यांनी पळून जाण्याचा प्रयत्न केला परंतु एका अधिकाऱ्याच्या नेतृत्वाखालील शूर सैनिकांनी आव्हानात्मक भूभाग आणि झाडांचे दाट आच्छादन असतानाही त्यांचा पाठलाग केला. यानंतर रात्री नऊच्या सुमारास जंगलात आणखी एक गोळीबार झाला. अधिका-यांनी सांगितले की चकमकीत पाच जवान गंभीर जखमी झाले आणि अधिकाऱ्यासह चौघांचा नंतर मृत्यू झाला.
