Manmohan Singh Passes Away : भारताचे माजी पंतप्रधान डॉ. मनमोहन सिंग यांचे गुरुवार, २६ डिसेंबर २०२४ रोजी दिल्लीतील एम्स रुग्णालयात निधन झाले. त्यांच्या निधनामुळे देशभरात शोक व्यक्त केला जात आहे. पंतप्रधान नरेंद्र मोदी, राष्ट्रपती द्रौपदी मुर्मू, उपराष्ट्रपती जगदीप धनखड़ आणि इतर अनेक नेत्यांनी त्यांच्या निधनाबद्दल दुःख व्यक्त केले असून, भारत सरकारने सात दिवसांचा राष्ट्रीय शोक जाहीर केला आहे.
डॉ. सिंग हे १९९१ मध्ये पी. व्ही. नरसिंह राव यांच्या सरकारमध्ये अर्थमंत्री होते आणि त्यांनी भारतीय अर्थव्यवस्थेचे उदारीकरण, खासगीकरण आणि जागतिकीकरणाच्या माध्यमातून मोठे आर्थिक सुधार केले. २००४ ते २०१४ या कालावधीत त्यांनी भारताचे पंतप्रधान म्हणून कार्य केले. त्यांच्या निधनामुळे देशाने एक महान अर्थतज्ज्ञ आणि नेता गमावला आहे.
डॉ. मनमोहन सिंग यांची एकूण संपत्ती
डॉ. मनमोहन सिंग हे भारताचे माजी पंतप्रधान व अर्थतज्ज्ञ म्हणून ख्यातनाम आहेत. त्यांचे आर्थिक नियोजन आणि साधेपणाचे गुण वैयक्तिक जीवनातही दिसून येतात. त्यांच्या संपत्तीशी संबंधित 2018 साली सादर केलेल्या प्रतिज्ञापत्रामध्ये काही महत्त्वाच्या गोष्टी नमूद आहेत:
एकूण संपत्ती : 2018 साली सादर केलेल्या प्रतिज्ञापत्रानुसार, मनमोहन सिंग यांची एकूण संपत्ती ₹15.77 कोटी होती.
मालमत्ता : दिल्ली आणि चंदीगड येथे त्यांच्या नावावर फ्लॅट्स आहेत.
2011 साली या मालमत्तांची एकूण किंमत ₹7.27 कोटी होती, जी नंतर वाढली असण्याची शक्यता आहे.
बँक खात्यातील ठेवी : 2013 मध्ये एसबीआय खात्यात ₹3.46 कोटी होते. त्यांच्याकडे पोस्टल सेव्हिंग्ज स्कीममध्ये ₹12.76 लाख गुंतवले होते.
दागिने आणि रोख रक्कम : 2013 साली त्यांच्याकडे ₹3.86 लाखांचे दागिने होते. त्यावेळी रोख ₹30,000 शिल्लक होती.
वाहन : 1996 सालचे मॉडेल असलेली मारुती 800 कार ही त्यांच्याकडे असलेले एकमेव वाहन होते.
कर्जमुक्त जीवन : मनमोहन सिंग यांनी प्रतिज्ञापत्रात जाहीर केले होते की, त्यांच्यावर कोणत्याही प्रकारचे कर्ज नव्हते.
वर्षभरातील उत्पन्न : 2018-19 या आर्थिक वर्षात त्यांची एकूण कमाई ₹90 लाख होती. डॉ. सिंग यांच्या आर्थिक व्यवस्थापनातून त्यांच्या साधेपणाचा आणि शिस्तबद्धतेचा स्पष्ट प्रत्यय येतो. ते केवळ भारताचे उत्कृष्ट अर्थमंत्रीच नव्हे, तर आर्थिक शहाणपणाचा आदर्श असलेले नागरिकदेखील आहेत.
