प्रयागराजमध्‍ये सुरु असलेल्‍या महाकुंभमेळ्यात पुन्हा आगीची घटना घडली आहे . आज (दि.३०) गुरुवार रोजी महाकुंभाच्या सेक्टर-22 मध्ये बांधण्यात आलेल्या मंडपांना आग लागली आहे. सध्या अग्निशमन दलाचे पथक आगीवर नियंत्रण मिळवण्याचे प्रयत्न करत आहे. या आगीत अनेक तंबू जळून खाक झाले आहेत.
छतनाग घाट नागेश्वर घाट सेक्टर २२ जवळ आज दुपारी एका खासगी कंपनीने उभारलेल्या वैदिक टेंट सिटीमध्ये आग लागली आहे. तत्‍काळ अग्निशमन दलाच्‍या जवानांनी घटनास्थळी धाव घेतली. आगीचे कारण अद्याप कळलेले नाही. यापूर्वी १९ जानेवारी रोजी गोरखपूरमधील गीता प्रेस कॅम्पमध्ये आग लागली होती.
हेही वाचा : Washington plane crash: अमेरिकेत प्रवाशी विमानाची हेलिकॉप्टरला धडक, पहा अपघाताचा VIDEO
ज्या ठिकाणी आग लागली ती सार्वजनिक जागा नव्हती. त्यामुळे जीवितहानी झाल्याची कोणतीही माहिती नाही. वरिष्ठ अधिकारीही घटनास्थळी दाखल झाले आहेत. मात्र, आग कशामुळे लागली? याचे कारण अद्याप समोर आले नाही. अग्निशमन दल घटनास्थळी पोहोचले आहे. आगीवर नियंत्रण मिळवण्याचे प्रयत्न सुरू आहेत.
महाकुंभमेळा परिसर ३५० हून अधिक अग्निशमन दल, २००० हून अधिक प्रशिक्षित मनुष्यबळ,५० अग्निशमन केंद्रे आणि २० अग्निशमन चौक्या निर्माण करण्यात आल्या आहेत. रिंगण आणि तंबूंमध्ये अग्निसुरक्षा उपकरणे बसवण्यात आली आहेत.
