चित्रपटसृष्टीत अशी अनेक नावे आहेत कि जे चित्रपटात तर आले पण प्रेक्षकांच्या मनात स्थान निर्माण करण्यात ते अपयशी ठरले. असाच एक अभिनेता म्हणजे 35 वर्षीय गिरीश कुमार तौरानी, ज्याने श्रुती हासनसोबत ‘रमैया वस्तावैय्या’ चित्रपटातून आपल्या अभिनय कारकिर्दीला सुरुवात केली.
2013 मध्ये गिरीश इंडस्ट्रीत आला आणि काही वर्षांतच त्याने फिल्मी जगताला अलविदा केला. त्याने फक्त 2 फीचर फिल्म्स आणि 1 शॉर्ट फिल्ममध्ये काम केले. या दोन्ही फिल्म्स ‘रमैया वस्तावैय्या’ आणि ‘लवशुदा’ बद्दल बोलायचे झाले तर हे दोन्ही चित्रपट बॉक्स ऑफिसवर विशेष काही करू शकले नाहीत. गिरीशच्या चित्रपटांमध्ये येण्याचे कारण देखील त्याचे वडील आहेत, जे चित्रपट निर्माते आहेत.
‘लवशुदा’ हा गिरीशचा दुसरा चित्रपट होता, जो 2016 मध्ये प्रदर्शित झाला होता. हा चित्रपट फ्लॉप झाला. यानंतर त्यांनी केवळ एका शॉर्ट फिल्ममध्ये काम केले. गिरीशचे वडील कुमार तौरानी हे चित्रपट निर्माते तसेच टी-सीरीजचे सह-मालक आहेत. त्यामुळे गिरीशने चित्रपटांना अलविदा करून त्याच्यासोबत काम करण्यास सुरुवात केली. सध्या ते टी-सीरीजचे सीओओ पद सांभाळत आहेत. त्याचे वडील आणि काकाही या कंपनीत आहेत.
4700 कोटींचा मालक
चित्रपट सोडल्यानंतर, गिरीशने एक व्यावसायिक म्हणून खूप यश मिळवले आणि आज ते सुमारे 4700 कोटी रुपयांच्या चित्रपट निर्मिती, वितरण आणि संगीत कंपनीचे मालक आहेत. लव्ह लाइफबद्दल बोलायचे झाले तर, 2016 मध्ये ‘लव्ह शुदा’ दरम्यान त्याने त्याची मैत्रीण कृष्णासोबत लग्न केले. मात्र, त्याच्या फिल्मी करिअरमुळे त्याने आपले नाते 1 वर्ष लपवून ठेवले, पण नंतर सोशल मीडियाच्या माध्यमातून त्याचा खुलासा केला.
