Chit fund: भारतीय चार प्रसिद्ध क्रिकेटपटूंना गुजरात सीआयडी शाखेने समन्स बजावले आहे. यामध्ये राहुल तेवतिया, शुभमन गिल, साई सुदर्शन आणि मोहित शर्मा यांचा समावेश आहे. या चौघांना 450 कोटी रुपयांचा चिटफंड घोटाळ्यात अटक होण्याची शक्यता आहे. गुंतवणुकीतील फसवणुकीचा मुख्य आरोपी भूपेंद्र सिंग जाला याच्या चौकशीदरम्यान ही माहिती उघड झाली आहे.
तपास यंत्रणांच्या माहितीनुसार, गुजरात टायटन्सचे कर्णधार शुभमन गिलने या चिटफंड योजनेंतर्गत 1.95 कोटी रुपयांची गुंतवणूक केली होती. त्याच्या या गुंतवणुकीनंतर इतर तीन क्रिकेटपटूंनी त्याच्यापेक्षा कमी रक्कमेची गुंतवणूक केली होती. सीआयडीने जालाचे खाते सांभाळणाऱ्या रुषिक मेहताला अटक केली आहे.
एक मीडिया रिपोर्टनुसार, सीआयडी अधिकाऱ्यांनी सांगितले की, जालाच्या खात्यांमध्ये 6 हजार कोटी रुपयांचा घोटाळा असल्याचे प्रथम उघड झाले होते, पण नंतर ही रक्कम 450 कोटी रुपयांपर्यंत घटवली गेली.
अधिकाऱ्यांनी यापूर्वी सांगितले होते की, जालाच्या अनौपचारिक लेखाजोख्याचे तपास सुरू आहेत आणि या अनौपचारिक पुस्तिका जप्त केली गेली आहेत. या पुस्तकांमध्ये 52 कोटी रुपयांचे व्यवहार सापडले आहेत, तपासणीनुसार, एकूण रकमेचा अंदाज लावला गेला असून हि रक्कम 450 कोटी रुपये आहे आणि यापुढे छापे सुरू असल्याने ही रक्कम आणखी वाढण्याची शक्यता वर्तविण्यात येत आहे. तपास अधिकाऱ्यांनी स्पष्ट केले की, या प्रकरणात हे चौघे क्रिकेटपटू दोषी आढळल्यास कडक कारवाई केली जाईल.
