जळगाव : कवयित्री बहिणाबाई चौधरी उत्तर महाराष्ट्र विद्यापीठाच्या व्यवस्थापन परिषदेच्या गटामधून संस्था चालक खुला संवर्गातील ४ जागासाठी ६ उमेदवार रिंगणात होते. व्यवस्थापन परिषदेच्या गटामधून खुला संवर्गातून नंदकुमार बेंडाळे, व्ही.टी.जोशी, निशांत रंधे, डॉ.एस.टी.पाटील हे चार उमेदवार निवडून आले.
कवयित्री बहिणाबाई चौधरी उत्तर महाराष्ट्र विद्यापीठाच्या विविध प्राधिकरणातील काही जागांसाठी ८ जानेवारी रोजी मतदान झाले होते. जळगाव, धुळे, नंदुरबार या तीन जिल्ह्यांतील १९ मतदान केंद्रातील २५ बुथवर मतदानाची प्रक्रिया पार पडली होती. त्याचा निकाल आज १० रोजी घोषीत झाला.
