मुंबई : भारताचे पंतप्रधान नरेंद्र मोदी यांचा आज 73 वा वाढदिवस आहे. ठाकरे गटाचे खासदार संजय राऊत यांनीही मोदींना वाढदिवसाच्या शुभेच्छा दिल्या आहेत. मोदी यांचं कौतुकही संजय राऊतांनी केलं आहे.आमच्यात कितीही मतभेद असो. पण नरेंद्र मोदी यांना वाढदिवसानिमित्त शुभेच्छा देतो. त्यांना दीर्घ आयुष्य मिळो. त्यांच्या हातून देशाची सेवा घडत राहो. नरेंद्र मोदी यांनी अत्यंत कठीण काळात देशाचे नेतृत्व केलं आहे. हे मान्य केलं पाहिजे, असं संजय राऊत म्हटले आहे.
आज देशासमोर अनेक समस्या आहेत. मणिपूरपासून बेरोजगारी आणि महागाईपर्यंत अशा अनेक समस्यांना देशासमोर आहेत. त्यांना पुढच्या वर्षापर्यंत या समस्यांना तोंड द्यावं लागेल. जोपर्यंत ते सत्तेत आहे. तोपर्यंत त्यांना अशा समस्यांशी संघर्ष करण्याचं बळ मिळो. असं संजय राऊत यांनी नरेंद्र मोदींना वाढदिवसाच्या शुभेच्छा दिल्या आहेत.
नरेंद्र मोदी यांच्या नावाने योजना सुरू करत आहेत. जर 2024 च्या निवडणुकीच्या दृष्टीतून होत असेल तर ते चुकीचं आहे. ते आपलं कर्तव्य आहे. तुम्ही अशा किती योजनाला कुठल्या नेत्याचं नाव दिली. तरी मतं मिळत नाहीत. देशावर अनेक समस्या आहेत. अनेक संकटं आहेत. जर देशाचा विचार केला तर आजही देशातील जनता अस्वस्त व अस्थिर आहे, असंही संजय राऊत म्हणाले.
