तरुण भारत लाईव्ह न्यूज । २ डिसेंबर २०२२ । अमळनेर येथील धुळे रस्त्यावरील भारत गॅस गोडाऊनच्या मागील बाजूला सर्वज्ञ नगर येथे ऍड. किशोर रघुनाथ बागुल यांच्या राहत्या घरी सुमारे तीन लाख 85 हजार 200 रुपयांची चोरी झाली. ही घटना दि.1 रोजी सकाळी 10.05 ते 10.55 दरम्यान घडली.
ऍड. किशोर बागुल हे सकाळी 10.05 वाजता त्यांच्या पत्नी सोबत ग्लोबल इंग्लिश स्कुल येथे त्यांच्या मुलाचा निकाल पाहण्याकरिता गेले होते. त्यानंतर ते ठीक 10.55 वाजेच्या सुमारास घरी आले असता त्यांना बेडरूम मधील कपाटातील काही सामान अस्ताव्यस्त पडलेला दिसून आला. त्यामुळे घरात काही तरी घडले असल्याची कल्पना आल्याने मागील बाजूस जावून पाहिले असता घरातील मागील बाजूस असलेला दरवाजेच्या कडी कोंडा तुटलेला दिसला. तेव्हा चोरी झाल्याचे समजले असता यावेळी घरातील सुमारे 75 ग्रॅम वजनाचे सोने,10200(दहा हजार दोनशे रुपये रोख )असे एकूण 3,85200 (तीन लाख पंच्याशी हजार दोनशे रुपयांची )चोरी झाल्याचे समजले.
यात 2,35,000 (दोन लाख पस्तीस हजार )किंमतीची एक सोन्याची 47 ग्रॅम वजनाची मंगलपोत, 80,000(ऐंशी हजार )किंमतीची एक सोन्याची 16 ग्रॅम वजनाची लहान पोत, 60,000 (साठ हजार )किंमतीची एक सोन्याची 12 ग्रॅम वजनाचे कानातील टॉप्स, 10,200 रुपये रोख त्यात 500,100 दराच्या भारतीय चलनी नोटा असा एकूण 3,85,200 रुपयांची चोरी झाली. अमळनेर पोलीस ठाण्यात ऍड. किशोर बागुल यांच्या खबरीवरून पोलिसांत अज्ञातांविरुद्ध गुन्हा दाखल करण्यात आला आहे.
भरदिवसा चोरी झाल्याने भीतीचे वातावरण
अमळनेर शहरात सद्यस्थितीत गुन्हेगारीला आळा बसावा म्हणून पोलीस उपविभागीय अधिकारी यांच्या मार्गदर्शनाने शहरातील बऱ्याच ठिकाणी सी सी टी व्ही कॅमेरे बसविणे सुरु आहे. ता.1 रोजी सुभाष चौकात जळगाव जिल्ह्याचे जिल्हा पोलीस अधीक्षक एस राजकुमार यांच्या हस्ते सी सी टी व्ही कॅमेरे यांचा हस्ते उदघाटनाचा कार्यक्रम होता. याच दरम्यान धुळे रस्त्यालगत सर्वत्र नगर येथे चोरांनी धाढसी चोरी केल्याने शहर वासीयांमध्ये पुन्हा भीतीचे वातावरण पसरले असून ह्या घटनेने पुन्हा पोलिसांनी पुन्हा गुन्हेगारांना आळा बसावा अशीही चर्चा शहरात सुरु आहे.
अमळनेर शहरात सद्यस्थितीत गुन्हेगारीला आळा बसावा म्हणून पोलीस उपविभागीय अधिकारी यांच्या मार्गदर्शनाने शहरातील बऱ्याच ठिकाणी सी सी टी व्ही कॅमेरे बसविणे सुरु आहे. ता.1 रोजी सुभाष चौकात जळगाव जिल्ह्याचे जिल्हा पोलीस अधीक्षक एस राजकुमार यांच्या हस्ते सी सी टी व्ही कॅमेरे यांचा हस्ते उदघाटनाचा कार्यक्रम होता. याच दरम्यान धुळे रस्त्यालगत सर्वत्र नगर येथे चोरांनी धाढसी चोरी केल्याने शहर वासीयांमध्ये पुन्हा भीतीचे वातावरण पसरले असून ह्या घटनेने पुन्हा पोलिसांनी पुन्हा गुन्हेगारांना आळा बसावा अशीही चर्चा शहरात सुरु आहे.
