नंदुरबार : दुचाकीस्वाराला वाचवण्याच्या प्रयत्नात समशेरपुर फाट्याजवळ कार पलटी होऊन थेट नाल्यात आदळली. या अपघातात दुचाकीस्वारासह कारमधील चिमुकलीसह अन्य ४ जण किरकोळ जखमी झाले असून त्यांच्यावर जिल्हा रुग्णलयात उपचार सुरु आहे.
नंदुरबार शहरातील एक परिवारातील सदस्य उत्तरकार्य निमित्त शहादा तालुक्यातील प्रकाशा गावात तापी नदी किनारी गेले होते. उत्तरकार्य आटोपून परिवार नंदुरबारकडे परतीच्या मार्गाला निघाला होता. या दरम्यान समशेरपुर फाट्याजवळ आले असता त्यांच्या कारसमोर अचानक एक दुचाकी आली. दुचाकीस्वाराला वाचवण्याच्या प्रयत्नात कारची धडक लागून दुचाकीस्वार दुचाकीसह फेकला गेला.
सदर अपघातात कार पलटी होऊन नाल्यात जाऊन आदळली. या अपघातात दुचाकीस्वारासह कारमधील लहान मुलगी गंभीर जखमी असून अन्य ४ जण किरकोळ जखमी झाले आहेत.
