तरुण भारत लाईव्ह न्यूज । ३ डिसेंबर २०२२ । देशात एप्रिल-नोव्हेंबर या काळात कोळशाचे भरीव उत्पादन झाले असून यंदाच्या वर्षी 16.76 टक्क्यांची वाढ झाली असून, नोव्हेंबरपर्यंत ते 412.63 एमटी इतके नोंदवले गेले आहे.
गतवर्षी, 16.76 टक्क्यांनी वाढ
गतवर्षी याच कालावधीत 447.54 दशलक्ष टन (एमटी) कोळशाचे उत्पादन झाले होते. त्यात यंदा 17.13 टक्के वाढ झाली आहे. यंदा 524.20 एमटी कोळशाचे उत्पन्न झाले. कोल इंडिया लिमिटेडमधील (सीआयएल) कोळशाच्या उत्पादनात गतवर्षीच्या याच कालावधीतील 353.41 एमटीच्या तुलनेत यंदाच्या वर्षी 16.76 टक्क्यांची वाढ झाली.
चांगले परिणाम
कोळसा उत्पादन क्षमता वाढवण्याच्या उद्देशाने कोळसा मंत्रालयाने 141 नवीन कोळसा खाणी व्यावसायिक लिलावासाठी निश्चित केल्या आहेत आणि देशातील विविध कोळसा कंपन्यांशी नियमितपणे संपर्क साधत त्यांच्या उत्पादनावर बारकाईने लक्ष ठेवून आहे. देशांतर्गत उत्पादन आणि वितरण वाढवण्यासाठी केलेल्या सर्वांगीण प्रयत्नांचे अत्यंत चांगले परिणाम दिसून आले आहेत.
भारत हा ऊर्जा वापरणारा जगातील तिसरा सर्वांत मोठा देश आहे आणि विजेची मागणी दरवर्षी सुमारे 4.7 टक्के वाढते. जलद वाहतूक सुनिश्चित करण्यासाठी, पीएम गती-शक्ती योजनेअंतर्गत सर्व प्रमुख खाणींना रेल्वेमार्गाने जोडत, पायाभूत सुविधा वाढवण्यासाठी कोळसा मंत्रालय पावले उचलत आहे. परिणामी, एप्रिल-नोव्हेंबर या कालावधीत 7.45 टक्क्यांची वाढ दर्शवित, एकूण 557.95 एमटी कोळशाची वाहतूक झाली. यावरून देशभरातील विविध क्षेत्रांत झालेली कोळशाच्या वितरणाची सुस्थिर आणि कार्यक्षम स्थिती लक्षात येते.
