एआय क्षेत्रात भारताची आगेकूच, ‘ही’ कंपनी ठरतेय गेमचेंजर

आर्टिफिशियल इंटेलिजन्सच्या क्षेत्रात ‘सिल्व्हर एआय’ या नव्या प्लॅटफॉर्मने अल्पावधीतच लक्ष वेधून घेतले आहे. सिल्व्हरलाइन टेक्नॉलॉजीजने विकसित केलेल्या या एआय-सक्षम वेब प्लॅटफॉर्मला अवघ्या काही दिवसांत हजारो युझर्सचा प्रतिसाद मिळाला असून, पुढील 45 दिवसांत 5 लाख युझर्सपर्यंत पोहोचण्याचे महत्त्वाकांक्षी लक्ष्य कंपनीने ठेवले आहे. तंत्रज्ञान क्षेत्रात सातत्याने बदल होत असताना, सिल्व्हर एआयच्या माध्यमातून सिल्व्हरलाइनने एक वेगळी ओळख निर्माण केली आहे. आतापर्यंत 24 हजारांहून अधिक युझर्सनी नोंदणी करत या प्लॅटफॉर्मवर विश्वास दाखवला आहे.

कंपनीने स्वीकारलेले किफायतशीर सबस्क्रिप्शन धोरणही चर्चेत आहे. केवळ 9 डॉलर्समध्ये उपलब्ध असलेले सबस्क्रिप्शन आणि पुढील सहा महिन्यांसाठी मोफत ‘प्रो’ अ‍ॅक्सेस देण्याच्या निर्णयामुळे महसुलात सुमारे 450 कोटी रुपयांची वाढ होण्याचा अंदाज वर्तवला जात आहे. युझर्सची संख्या मोठ्या प्रमाणात वाढवण्यावर भर देणारे हे ‘व्हॉल्युम-ड्रिव्हन’ मॉडेल असल्याचे कंपनीकडून स्पष्ट करण्यात आले आहे.

‘सिल्व्हर एआय’ नेमके काय आहे, तर हे एक सुरक्षित आणि पूर्णपणे एन्क्रिप्टेड वेब-आधारित एआय प्लॅटफॉर्म आहे. चॅट-आधारित इंटरफेसमुळे मजकूर लेखन, माहितीचा सारांश, कल्पनांची मांडणी तसेच व्यावसायिक स्वरूपातील उत्तरे तयार करणे युझर्ससाठी सोपे होते. सध्या वेबवर उपलब्ध असलेल्या या प्लॅटफॉर्मचा विस्तार लवकरच मोबाईल अ‍ॅप, मल्टिमोडल एआय आणि आरोग्य सेवा क्षेत्रात करण्याची तयारी सुरू आहे.

कंपनीचे व्यवस्थापकीय यकीन जोशी यांनी दिलेल्या माहितीनुसार, भारतातील एआय चॅटबॉट बाजार 2031 पर्यंत 26.4 अब्ज डॉलर्सपर्यंत पोहोचण्याची शक्यता आहे. या वाढत्या संधीचा फायदा घेण्यासाठी सिल्व्हरलाइन पूर्णपणे सज्ज असून, मोठ्या प्रमाणावर युझर बेस निर्माण करण्यावर कंपनीचा भर आहे.

सिल्व्हर एआयचे तांत्रिक वैशिष्ट्यही तितकेच लक्षवेधी आहे. अवघ्या 30 दिवसांत पाच टप्प्यांत या प्लॅटफॉर्मचा रोलआउट पूर्ण करण्यात आला. कोणत्याही विशेष हार्डवेअरची आवश्यकता नसून, सामान्य ब्राउझरवरून सहज वापर करता येणे ही याची मोठी जमेची बाजू आहे.

आर्थिक आघाडीवरही सिल्व्हरलाइनने ठोस कामगिरी केली आहे. चालू आर्थिक वर्षाच्या दुसऱ्या तिमाहीत (Q2FY26) कंपनीचा महसूल थेट 100.07 कोटी रुपयांवर पोहोचला आहे, जो मागील वर्षी याच कालावधीत केवळ 69.7 लाख रुपये होता. याच तिमाहीत निव्वळ नफा 7.26 कोटी रुपये नोंदवण्यात आला आहे. पहिल्या सहा महिन्यांत (H1FY26) एकूण महसूल 200.16 कोटी रुपये आणि निव्वळ नफा 18.41 कोटी रुपये झाला आहे.

पुढील तीन वर्षांत ‘सिल्व्हर एआय’ उपक्रमातून सुमारे 18 दशलक्ष अमेरिकी डॉलर्स महसूल आणि 25 ते 30 टक्के EBITDA मार्जिन मिळवण्याचे उद्दिष्ट कंपनीने ठेवले आहे. यासोबतच, अपेक्स अर्बन को-ऑपरेटिव्ह बँकेसोबतचा 26 कोटी रुपयांचा जुना वाद यशस्वीरीत्या निकाली निघाल्याने कंपनीच्या आर्थिक स्थैर्याला बळ मिळाले आहे. एकूणच, एआय क्षेत्रात सिल्व्हरलाइनची वाटचाल वेगाने सुरू असल्याचे चित्र सध्या स्पष्टपणे दिसून येत आहे.