Jalgaon City Assembly Election Results 2024 : जळगाव शहर विधानसभा मतदार संघांत आमदार सुरेश भोळे यांनी सलग तिसऱ्यांदा विजय प्राप्त केला आहे. आमदार भोळे यांनी 87 हजार 476 मतांनी दणदणीत हॅट्रिक केली आहे.
मतमोजणीत पहिल्या फेरीपासून आ. सुरेश भोळे यांनी आघाडी घेतली होती. त्यांनी ही आघाडी शेवटच्या फेरीपर्यंत कायम ठेवली. त्यांचे प्रतिस्पर्धी उमेदवार महाविकास आघाडीच्या जयश्री सुनील महाजन यांना 62 हजार 722 मते मिळाली. तर आ. भोळे यांना 1 लाख 50 हजार 198 मते मिळाली आहेत.
आमदार भोळे यांनी उमेदवारी जाहीर झाल्यापासून आपल्या प्रचारात देखील आघाडी घेतली होती. आ. भोळे यांना समाजातील सर्वच घटकांनी पाठिंबा जाहीर केला होता. आ. भोळे यांना सलग तिसऱ्यांदा विजयी झाले आहेत. प्रथम त्यांनी 2014 मध्ये शिवसेनेचे ज्येष्ठ नेते सुरेशदादा जैन यांना पराभूत केले होते. 2019 मध्ये त्यांनी राष्ट्रवादी काँग्रेसचे अभिषेक पाटील यांना हरविले आहेत.
