जळगाव : सकाळी उठल्यानंतर दरवाजा उघडून कुटुंबातील सदस्य कामात व्यस्त होते. चोरट्याने याठिकाणी उघड्या दरवाजातून प्रवेश करीत १५ हजार रुपये किमतीचा मोबाईल घेत पसार झाला. गुरुवार, २ रोजी सकाळी आठ वाजेच्या सुमारास ही घटना शहरात योगेश्वर नगरातील स्वप्नील अपार्टमेंटमध्ये घडली.
यश नंदकिशोर मोरे येथेवास्तव्यास आहेत. खासगी जॉब करुन ते कुटुंबाचा उदरनिर्वाह करतात. सकाळी त्यांच्या उघड्या दरवाजातून चोरट्याने एन्ट्री केली. समोर असलेला मोबाईल घेत पोबारा केला. दरम्यान मोबाईलचा शोध घेतला असता सदस्यांना मिळाला नाही. याप्रकरणी त्यांनी गुरुवारी दुपारी तक्रार दिली. त्यानुसार शनिपेठ पोलीस ठाण्यात गुन्हा दाखल झाला. तपास पोलीस नाईक रवींद्र पाटील हे करीत आहेत.
