Kalyan Jewellers : कल्याण ज्वेलर्स इंडिया लिमिटेडच्या शेअरमध्ये सोमवारी चांगली वाढ झाली होती, परंतु मंगळवारी या दागिन्यांच्या शेअरमध्ये पुन्हा मोठी घसरण दिसून येत आहे. ट्रेडिंग सत्रादरम्यान कंपनीचा शेअर सुमारे ७ टक्क्यांनी घसरून ५०० रुपयांच्या खाली आला आहे.  सर्वात मोठा प्रश्न म्हणजे कल्याण ज्वेलर्समध्ये अशी घसरण का दिसून येत आहे. जाणून घेऊया सविस्तर

शेअर्स मध्ये का होतेय घसरण ?

बीएसईच्या आकडेवारीनुसार प्रवर्तक रमेश त्रिक्कुर कल्याणरामन आणि सीताराम त्रिक्कुर कल्याणरामन यांनी निवडक वित्तीय संस्थांसोबतचा त्यांचा तारण ठेवलेला हिस्सा अनुक्रमे १.६५ टक्के आणि १.८५ टक्क्यांनी वाढवला आहे. कंपनीने आयटी छापे आणि काही निधी व्यवस्थापकांना लाच देण्याच्या बातमीला नकार दिल्याने कल्याण ज्वेलर्सच्या शेअरमध्येही घसरण दिसून आली. २ जानेवारी रोजी कंपनीचा शेअर ७९४.६० रुपयांच्या त्याच्या सर्वोच्च पातळीवर पोहोचला होता.

सर्व आरोप निराधार

ऑडिओ कॉलमध्ये, ज्वेलरी निर्माता सांगतोय कि त्यांच्या कॅम्पसवर कोणतेही आयटी छापे टाकण्यात आले नाहीत आणि लाचखोरीचे आरोप ‘हास्यास्पद’ असल्याचे म्हटले आहे. कल्याण ज्वेलर्सचे कार्यकारी संचालक रमेश कल्याणरामन म्हणाले की हे आरोप अतिशय हास्यास्पद आहेत. आम्ही नेहमीच आमचा व्यवसाय आणि सर्व भागधारकांशी संवाद अत्यंत उच्च पातळीच्या प्रामाणिकपणाने आणि पारदर्शकतेने चालवला आहे. ते म्हणाले की आमच्या कोणत्याही जागेवर छापे टाकण्यात आलेले नाहीत. ती फक्त एक अफवा होती.

हेही वाचा : पतीला झोपेच्या गोळ्या देऊन ‘ती’ जायची परपुरुषासोबत; मुलीला जाग आली अन् महिलेचं कांड उघड

 ३० जानेवारी रोजी तिसऱ्या तिमाहीचे  निकाल

ते म्हणाले की आमच्या आर्थिक विवरणपत्रात नमूद केल्याप्रमाणे, इन्व्हेंटरी पातळी ऑडिटच्या अनेक पातळ्यांमधून जाते. आम्ही गेल्या १८ महिन्यांत सुमारे ४५० कोटी रुपयांचे कर्ज परत केले आहे. कल्याणरामन म्हणाले की, हे सुमारे १७० कोटी रुपयांच्या लाभांश देयकापेक्षा वेगळे आहे. कंपनी ३० जानेवारी रोजी तिसऱ्या तिमाहीचे  निकाल जाहीर करणार आहे.

हेही वाचा : Sharon Raj murder case : विश्वास ठेवावा तर कुणावर ? प्रेयसीनेच केला घात, अखेर फाशीची शिक्षा

कंपनीचे शेअर्स किती घसरले ?

कल्याण ज्वेलर्सच्या शेअर्समध्ये मंगळवारी सुमारे ७ टक्क्यांनी घट झाली आहे आणि ट्रेडिंग सत्रादरम्यान तो ४९१.२५ रुपयांचा नीचांक गाठला आहे. तर कंपनीचा शेअर ५३९.३० रुपयांवर किंचित वाढीसह उघडला. तर एक दिवस आधी कंपनीचा शेअर ५३१.१५ रुपयांवर वाढीसह बंद झाला होता.

मार्केट कॅपमध्येही घसरण

ट्रेडिंग सत्रादरम्यान कंपनीच्या मार्केट कॅपमध्ये लक्षणीय घट झाली आहे. एक दिवस आधी, कल्याण ज्वेलर्सचा स्टॉक बंद झाला तेव्हा मार्केट कॅप ५४,७८४.६९ कोटी रुपये होता. जो ट्रेडिंग सत्रादरम्यान ५०,६६९.२६ कोटी रुपयांवर पोहोचला. याचा अर्थ असा की कंपनीचे मार्केट कॅप एका दिवसात ४,११५.४३ कोटी रुपयांवर घसरले. दुसरीकडे, जेव्हा कंपनीचा स्टॉक ५२ आठवड्यांच्या उच्चांकावर पोहोचला तेव्हा मार्केट कॅप ८१,९५७.८६ कोटी रुपये होते. ज्यामध्ये सुमारे ३ आठवड्यात ३१,२८८.६ कोटी रुपयांची घट झाली आहे.