---Advertisement---

सुवर्णसंधी! महाराष्ट्र राज्य कृषी विद्यापीठात ‘या’ पदांसाठी भरती, मिळणार ८१,००० वेतन

by team
---Advertisement---

Krushi Vidyapeeth Recruitment 2025 : नोकरीच्या शोधात असलेल्या तरुणांसाठी आनंदाची बातमी आहे. कृषी विभागात नोकरीची संधी उपलब्ध झाली असून महाराष्ट्र राज्य कृषी विद्यापीठात विविध पदे भरली जात आहे. यासाठी विद्यापीठाने अर्ज मागविले आहे. कृषी विद्यापीठातील गट क संवर्गात भरती सुरु असून जाणून घेऊया अधिक माहिती.

या भरती प्रक्रियेअंतर्गत कृषी विद्यापीठात कृषी सहाय्यक आणि इतर पदे भरली जाणार आहेत. या बाबत विद्यापीठाच्या अधिकृत वेबसाइटवर या रिक्त पदांसाठी शैक्षणिक पात्रता आणि अर्ज करण्याची शेवटची तारीख देण्यात आली आहे. या माहितीनुसार १० एप्रिल २०२५ हि अर्ज करण्याची शेवटची तारीख आहे.ऑनलाइन पद्धतीने हे अर्ज करायचे आहे.

रिक्त पदे आणि शैक्षणिक पात्रता

या भरती प्रक्रियेअंतर्गत कनिष्ठ संशोधन सहाय्यक, कृषी सहाय्यक अशा ७१ पदांसाठी हि भरतीप्रक्रिया राबवण्यात येत आहे. या पदांसाठी पदवीधर आणि संबंधित क्षेत्रात डिप्लोमा केलेले उमेदवार अर्ज करु शकतील.

वयोमर्यादा आणि परीक्षा शुल्क

या पदांसाठी अर्ज करणारे उमेदवार हे १८ पेक्षा जास्त वयोगटातील असावेत. चांगल्या विद्यापीठात पर्मनंट नोकरी करण्याची ही उत्तम संधी आहे. या नोकरीसाठी अर्ज करताना सामान्य प्रवर्गातील उमेदवारांकडून ५०० रुपये शुल्क आकारण्यात येणार आहे. तर राखीव प्रवर्गातील उमेदवारांकडून २५० रुपये शुल्क आकारले जातील.

मिळणार इतका पगार

या भरती प्रक्रियेअंतर्गत पात्र उमेदवारांना २५,५०० ते ८१,१०० रुपये इतका पगार दिला जाणार आहे. प्रत्येक पदासाठी आवश्यकतेनुसार आणि अनुभवानुसार वेतन दिले जाईल.

अकोला येथील पंजाबराव देशमुख कृषी विद्यापीठात ही भरती करण्यात येत आहे. अर्ज करण्याची शेवटची तारीख १० एप्रिल २०२५ असून इच्छुकांनी लवकरात लवकर अर्ज करावेत.

Join WhatsApp

Join Now
---Advertisement---

Leave a Comment