Maharashtra politics : छगन भुजबळ यांच्या मंत्रिमंडळात स्थान न मिळाल्यामुळे सुरू झालेली नाराजी आता राज्यातील राजकीय वर्तुळात मोठी चर्चा बनली आहे. त्यांच्या विधानांमुळे आणि हालचालींमुळे राजकीय समीकरणे बदलण्याची शक्यता निर्माण झाली आहे.
छगन भुजबळ यांची भाजपच्या बड्या नेत्यांच्या भेटीने या चर्चांना अधिक जोर मिळाला आहे. भुजबळ यांच्या या भेटीमुळे ते भाजपमध्ये जाणार का, असा प्रश्न राजकीय वर्तुळात उपस्थित होत आहे. मात्र, या चर्चांवर आता छगन भुजबळांनी प्रतिक्रिया दिली आहे.
छगन भुजबळ यांची नाराजी आणि त्यांच्या वक्तव्यामुळे महाराष्ट्राच्या राजकीय वर्तुळात खळबळ उडाली आहे. मंत्रिमंडळ विस्तारात स्थान न मिळाल्याने त्यांनी उघड नाराजी व्यक्त केली होती आणि “जहाँ नहीं चैना वहाँ नहीं रहना” असे वक्तव्य करून आपली भूमिका स्पष्ट केली होती. यामुळे ते पुढे काय निर्णय घेतील, याबाबत चर्चा सुरू झाली होती.
गेल्या काही दिवसांपासून छगन भुजबळ हे भाजप आणि मुख्यमंत्री देवेंद्र फडणवीस यांच्या कामगिरीचे कौतुक करत असल्याचे दिसून आले आहे. यामुळे त्यांचा भाजपात प्रवेश होण्याची शक्यता वर्तवली जात आहे. मात्र, या चर्चांवर आता छगन भुजबळांनी प्रतिक्रिया दिली आहे.
भुजबळांनी स्पष्टपणे सांगितले की, सध्या ते कोणत्याही पक्षांतराचा विचार करत नाहीय. त्यांनी माध्यमांशी संवाद साधताना सांगितले की, “माझ्या वक्तव्याचा चुकीचा अर्थ लावला जात आहे. मी माझ्या पक्षाशी निष्ठावान आहे. पुढील निर्णय विचारपूर्वक घेतला जाईल.” , असे भुजबळ यांनी सांगितले. त्यांच्या या प्रतिक्रियेमुळे चर्चेवर काहीसा पडदा पडला असला, तरी भविष्यात काय होईल, हे पाहणे महत्त्वाचे ठरेल.
