भारतातील सर्वाधिक वापरलं जाणाऱ्या सोशल नेटवर्किंग साइट्स फेसबुक व इन्स्टाग्राममध्ये मोठा बदल होणार आहे. फेसबुक व इंस्टाग्रामची मालकी असलेल्या मेटा कंपनीचे प्रमुख मार्क झुकरबर्ग यांनी मंगळवारी याबाबत घोषणा केली आहे. कंपनी आपला थर्ड पार्टी फॅक्ट-चेकिंग प्रोग्राम बंद करून त्याच्याजागी ‘कम्युनिटी नोट्स’ नावाचा नवीन प्रोग्राम सुरूकरणार आहे. या प्रोग्रामद्वारे युजर्स स्वतः आपल्या प्रतिक्रिया नोंदवू शकतात. हा नवीन प्रोग्राम इलॉन मस्कच्या ‘X’ प्रमाणे काम करेल. या बदलाची सुरुवात अमेरिकेतून केली जाणार आहे.
मार्क झुकेरबर्गने एक व्हिडिओ जारी केला आणि सांगितले की मेटाने हा निर्णय घेतला आहे. कारण तज्ञ तथ्य तपासणी करणाऱ्यांमध्ये त्यांच्या स्वतःच्या काही कमतरता आहेत आणि ते एका बाजूला किंवा दुसऱ्या बाजूला झुकू शकतात. यामुळे हा निर्णय घेण्यात आला आहे. आता कम्युनिटी नोट्स मॉडेलवर लक्ष केंद्रित करणार असल्याचे कंपनीने म्हटले आहे.
https://www.facebook.com/watch/?v=1525382954801931
एका व्हिडिओ मेटाचे संस्थापक मार्क झुकेरबर्ग म्हणाले की, राजकीय पक्षपाताच्या चिंतेमुळे तथ्य-तपासकांना काढून टाकण्याचा मेटाचा निर्णय घेण्यात आला आहे. चुका कमी करण्यासाठी, आपली धोरणे सोपी करण्यासाठी आणि मुक्त अभिव्यक्तीचा पर्याय आपल्या व्यासपीठावर आणण्यासाठी कंपनी आपल्या मूळांकडे परत जात असल्याचे झुकेरबर्ग म्हणाले. हे बदल फेसबुक, इंस्टाग्राम आणि थ्रेड्सवर दिसतील.
मेटाच्या या निर्णयावर IFCN प्रमुख अँजी ड्रॉबनिक होलन यांचे वक्तव्यही समोर आले आहे. एंजीने सांगितले की या निर्णयामुळे सोशल मीडिया युझर्सना नुकसान होईल जे त्यांच्या दैनंदिन जीवनाबद्दल निर्णय घेण्यासाठी आणि मित्र आणि कुटुंबियांशी संवाद साधण्यासाठी अचूक, विश्वासार्ह माहिती शोधत आहेत.
अँजी पुढे म्हणाले की, नवीन प्रशासन आणि त्याच्या समर्थकांच्या अत्यंत राजकीय दबावादरम्यान हा निर्णय घेणे दुर्दैवी आहे. तथ्य तपासणारे त्यांच्या कामात पक्षपाती नसतात. ज्यांना कोणतेही खंडन किंवा विरोधाभास न करता खोटे बोलण्यापासून थांबवायचे नाही त्यांच्याकडून हा हल्ला झाला आहे.
