देशांतर्गत शेअर बाजारात गुरुवारी (19 डिसेंबर) आज बाजारात प्रचंड दबाव दिसून येत आहे. सकाळच्या सत्रात सेन्सेक्स-निफ्टी मोठ्या घसरणीसह उघडले. सेन्सेक्स 800 अंकांनी घसरला आणि निफ्टीही जवळपास 300 अंकांनी घसरून 24,400 च्या खाली आला. तर निफ्टी बँकही 800 हून अधिक अंकांनी घसरली. मिडकॅप निर्देशांकात मोठी घसरण झाली आणि तो 1,000 हून अधिक अंकांनी घसरला.
निफ्टी आयटी सुमारे 1,000 अंकांनी घसरला. निफ्टी रियल्टी इंडेक्स सुमारे 2% घसरला. बाजार 92% मंदीच्या ट्रेंडमध्ये दिसला. स्मॉलकॅप निर्देशांक सुमारे 320 अंकांनी घसरला. सेन्सेक्सच्या 30 समभागांपैकी फक्त एफएमसीजी स्टॉक्स एचयूएल आणि आयटीसीने वाढ नोंदवली. त्याचवेळी सर्वात मोठी घसरण इन्फोसिसमध्ये झाली. डॉ रेड्डी, एचयूएल, आयटीसी निफ्टीवर वाढले तर विप्रो, इन्फोसिस, हिंदाल्को, श्रीराम फायनान्स, अदानी एंटरप्रायझेस घसरले.
सध्या अमेरिकेच्या बाजारात गोंधळाचे वातावरण आहे. दर कपातीबाबत फेडच्या खराब दृष्टीकोनामुळे काल यूएस मार्केटमध्ये मोठी घसरण झाली. डाऊ 1100 अंकांनी घसरला आणि 50 वर्षांत प्रथमच सलग 10 दिवस कमजोर राहिला. Nasdaq 700 अंकांनी घसरला आणि S&P 3 टक्क्यांनी घसरला. खरं तर, यूएस फेडने व्याजदरात अपेक्षेप्रमाणे एक चतुर्थांश टक्क्यांनी कपात केली परंतु 2025 मध्ये चार ऐवजी फक्त दोन दर कपातीचे संकेत दिले. चलनवाढीचा अंदाज वाढवण्याबरोबरच, जेरोम पॉवेल म्हणाले की ते पुढे जाणाऱ्या व्याजदरांमधील बदलांबाबत सावध राहतील.
आजच्या व्यवहारादरम्यान, फार्मा वगळता सर्व क्षेत्रांत मोठी घसरण झाली. निफ्टी आयटी, निफ्टी ऑटो आणि बँक निफ्टीमध्ये सर्वात मोठी घसरण दिसून आली. त्यात सुमारे 2 टक्क्यांची घसरण झाली. सेन्सेक्स आणि निफ्टीमध्ये सर्वात जास्त घसरण एशियन पेंट्स, बजाज फायनान्स आणि बजाज फिनसर्व्ह, तर डॉ रेड्डीज, सन फार्मा आणि सिप्ला यांनी सर्वोत्तम कामगिरी केली.
आज बाजारासाठी महत्त्वाचे मुद्दे
1. यूएस फेडच्या व्याजदर कपातीच्या निर्णयानंतर भारतासह जगभरातील शेअर बाजारात मोठी घसरण झाली आहे. फेडरल रिझर्व्हने 2024 मध्ये तिसऱ्यांदा व्याजदरात कपात केली आहे. फेडरल रिझर्व्हच्या कपातीच्या या निर्णयामुळे वित्तीय बाजारात अनिश्चिततेची लाट निर्माण झाली आहे.
2. प्रमुख चलनांच्या तुलनेत अमेरिकन डॉलरची ताकद मोजणारा डॉलर निर्देशांक दोन वर्षांच्या उच्चांकावर पोहोचला. डॉलरच्या तुलनेत रुपया नीचांकी पातळीवर गेल्याने गुंतवणूकदारांच्या भावनेवर परिणाम झाला आहे.
3. एचडीएफसी बँक, इन्फोसिस, आयसीआयसीआय बँक आणि रिलायन्स इंडस्ट्रीजच्या शेअर्समध्ये मोठ्या प्रमाणात घसरण झाल्याने बाजार खाली आला.
4. विदेशी गुंतवणूकदारांनी देशांतर्गत शेअर बाजारातून पैसे काढून घेतल्याने शेअर बाजारातही घसरण झाली आहे. FII ने 18 डिसेंबर रोजी 1,316.81 कोटी रुपयांचे शेअर्स विकले.
