Petrol-Diesel Price: दिवाळीत मोदी सरकारने देशाला मोठी भेट दिली आहे. पेट्रोल आणि डिझेलच्या किमती 5 रुपयांनी कमी होतील, असे सरकारने म्हटले आहे. ही कपात पेट्रोल आणि डिझेल या दोन्हीच्या दरात होणार आहे. केंद्रीय पेट्रोलियम मंत्री हरदीप सिंग पुरी यांनी ही घोषणा केली आहे.
हरदीप सिंग पुरी यांनी त्यांच्या एक्स हँडलवर सांगितले की, धनत्रयोदशीच्या शुभ मुहूर्तावर, तेल कंपन्यांनी पेट्रोल पंप डीलर्सना दिलेल्या भेटवस्तूचे हार्दिक स्वागत. 7 वर्षांपासून सुरू असलेली मागणी पूर्ण झाली आहे.
आता ग्राहकांना चांगली सेवा मिळेल, पण पेट्रोल आणि डिझेलच्या दरात कोणतीही वाढ होणार नाही. दुर्गम ठिकाणी (तेल विपणन कंपन्यांच्या पेट्रोल आणि डिझेल डेपोपासून दूर) असलेल्या ग्राहकांना लाभ देण्यासाठी आंतरराज्य मालवाहतुक सुलभ करण्यासाठी तेल कंपन्यांनीही एक मोठा निर्णय घेतला आहे.
हरदीप सिंग पुरी म्हणाले की, ओडिशाच्या मलकानगिरीच्या कुननपल्ली आणि कालीमेलामध्ये पेट्रोलचे दर 4.69 रुपये आणि 4.55 रुपये आणि डिझेलच्या दरात 4.45 रुपये आणि 4.45 रुपयांनी कपात केली जाईल. तसेच छत्तीसगडच्या सुकमामध्ये पेट्रोलच्या दरात 2.09 रुपयांनी तर डिझेलच्या दरात 2.02 रुपयांनी घट होणार आहे.
