मोदी लाओशियन !

Modi Nick name Laoxian  जबरदस्त आत्मविश्वास, प्रचंड इच्छाशक्ती, दृढ निर्धार आणि सकारात्मक मानसिकतेचे धनी असलेल्या मोदींची लोकप्रियता सातासमुद्रापार गेलेली आहे. Modi Nick name Laoxian  भारतात तर त्यांची लोकप्रियता वारंवार सिद्ध झालेलीच आहे. विदेशातही त्यांच्या नावाचा जयजयकार होत आहे. आता युरोप, अमेरिकेप्रमाणेच शेजारी देश, लष्करी आणि आर्थिक क्षेत्रातील भारताचा कट्टर प्रतिस्पर्धी असलेल्या चीनमध्येही त्यांची लोकप्रियता वाढू लागली आहे. Modi Nick name Laoxian  गेल्याच महिन्यात ‘मॉर्निंग कन्सल्ट’ या संकेतस्थळाने जारी केलेल्या एका सर्वेक्षणानुसार मोदी पुन्हा एकदा जागतिक पातळीवर सर्वात लोकप्रिय नेते ठरले आहेत. ७८ टक्के ग्लोबल लीडर अप्रुव्हल रेटिंग सोबत त्यांनी अमेरिकेचे राष्ट्रपती जो बायडेन, ब्रिटनचे पंतप्रधान ऋषी सुनक यांच्यासह १६ देशांच्या राष्ट्रप्रमुखांना मागे टाकले आहे. Modi Nick name Laoxian  यावरून मोदींच्या लोकप्रियतेची कल्पना आल्याशिवाय राहात नाही. देशात पुढील वर्षी लोकसभेच्या निवडणुका होऊ घातल्या आहेत. अशात अनेक राजकीय पक्षांनी निवडणुकीची तयारी सुरू केली आहे. Modi Nick name Laoxian  हे सारे पाहता इंडिया टुडे आणि सी व्होटरनेही जनतेच्या मनात काय आहे, हे जाणून घेण्यासाठी देशात आज लोकसभेच्या निवडणुका झाल्या तर कोणाचे सरकार येणार, हे एका सर्वेक्षणातून जाणून घेतले. Modi Nick name Laoxian  यातही ७८ टक्के लोकांनी नरेंद्र मोदी आणि त्यांच्या नेतृत्वाखालील सरकारचे काम अतिशय चांगले असल्याचे मत व्यक्त केले.

Modi Nick name Laoxian  सर्वेक्षणात सामील २० टक्के लोकांनी कोरोना महामारीशी लढताना मोदींनी दाखविलेल्या साहसाचे, त्यांनी खांद्यावर घेतलेल्या जबाबदारीचे आणि शेजारी देशांसाठी मदतीचा हात पसरविण्याचे कौतुक केले आहे. १४ टक्के लोकांनी घटनेतील ३७० कलम हटविण्यासाठी मोदींना शाबासकी दिली आहे तर ११ टक्के लोकांनी राम मंदिर ही सरकारची उपलब्धी सांगितली आहे. Modi Nick name Laoxian एकीकडे विरोधी पक्षाच्या विभिन्न नेत्यांनी मोदींवर टीका करताना इतक्या गलिच्छ शब्दांचा वापर केलेला आहे की, त्यामुळे मोदींची नव्हे तर त्यांची स्वत:चीच बदनामी झाली आहे. इकडे भारतातील विरोधक जेवढी टीका मोदींवर करीत आहेत, तेवढीच अथवा त्याहूनही अधिक प्रशंसा देशाबाहेर मोदींची होत आहे. पंतप्रधान नरेंद्र मोदी यांचे चिनी इंटरनेटवर तर ‘असामान्य’ असे टोपणनाव पडले आहे. Modi Nick name Laoxian चिनी लोक त्यांना ‘मोदी लाओशियन’ असे संबोधतात. अद्भुत, अफाट क्षमता असलेली अमर व्यक्ती असा या शब्दाचा अर्थ होतो. यातून चिनी लोकांना मोदींबाबत काय वाटते, हे अधोरेखित होते. Modi Nick name Laoxian  नरेंद्र मोदी हे इतर नेत्यांपेक्षा निराळे आहेत, असे त्यांना वाटते. अमेरिकास्थित रणनीतिक विषयावरील पत्रिका ‘द डिप्लोमॅट’मध्ये प्रकाशित लेखात चीनमधील मोदींच्या अफाट लोकप्रियतेबद्दल सविस्तर लिहिले आहे.

Modi Nick name Laoxian  भारत-चीन सीमावाद, डोकलाम प्रकरण, भूतानमधील दादागिरी आणि भारताचा प्रतिस्पर्धी पाकसोबत असलेल्या चीनच्या दोस्तीनंतरही चीनमध्ये तेथील नागरिकांच्या मनात नरेंद्र मोदींबद्दलचे प्रेम वृqद्धगत होत आहे; त्यांची लोकप्रियता वाढत आहे, असे या लेखात नमूद करण्यात आले आहे. या लेखाचे शीर्षकच मुळी ‘चीनमध्ये भारताकडे कोणत्या दृष्टिकोनातून पाहिले जाते?’ असे आहे. चीनच्या समाजमाध्यमावर विशेषतः सिना वेईबोवर (ट्विटरची चिनी आवृत्ती) चीनमधील समाजमाध्यमप्रेमी सातत्याने मोदींबद्दल लिहिताना, व्यक्त होताना दिसतात. Modi Nick name Laoxian  त्यातूनही मोदींबद्दलचे, त्यांच्या कामाबद्दलचे, आंतरराष्ट्रीय स्तरावर ते घेत असलेल्या भूमिकांचे स्वागत केलेले दिसते. विशेष म्हणजे आजवर एकाही भारतीय पंतप्रधानाचे इतक्या व्यापक स्तरावर चिनी नागरिकांनी कौतुक केल्याचा इतिहास नाही. प्रख्यात पत्रकार मू चुनशान सिना वेईबोवरील आंतरराष्ट्रीय विषयांचे विश्लेषक म्हणून ओळखले जातात. त्यांनीदेखील चीनमधील मोदींच्या वाढत्या लोकप्रियतेवर भाष्य केले आहे. मोदींच्या नेतृत्वाखाली भारत जगातील प्रमुख देशांमध्ये समतोल साधू शकतो, असे बहुतांश समाजमाध्यमप्रेमींचे मत आहे. Modi Nick name Laoxian  सिना वेईबोवर तब्बल ५ कोटी ८० लाख सक्रिय सदस्य आहेत.

Modi Nick name Laoxian  नरेंद्र मोदी यांचा पेहराव आणि देहबोली चिनी लोकांना आकृष्ट करते. त्यांची काही धोरणे पूर्वीच्या राजकारण्यांपेक्षा वेगळी आहेत, असे चिनी नेटिझन्सचे म्हणणे आहे. रशिया, अमेरिका किंवा वैश्विक दक्षिण देशांसोबतही भारत मैत्रीपूर्ण संबंधांचा आनंद घेऊ शकतो, असे नेटिझन्सना वाटत असल्याचे मू चुनशान सांगतात. Modi Nick name Laoxian मू चुनशान गेल्या २० वर्षांपासून माध्यमांमध्ये आंतरराष्ट्रीय विषयांवर लेखन करीत आहेत. त्यांच्या मते एखाद्या विदेशी नेत्याला टोपण नाव देण्याची घटना चीनच्या इतिहासात अतिशय दुर्मिळ अशी आहे. विशेष म्हणजे मोदींना ‘मोदी लाओशियन’ हे दिलेले टोपणनाव इतर नेत्यांना दिलेल्या नावापेक्षा कितीतरी निराळे आणि त्या सर्वांवर मात करणारे आहे, असे ते मानतात. म्हणूनच मोदींनी चिनी नागरिकांच्या मनात अतिशय खोलवर जागा मिळविलेली आहे, असा सार्वत्रिक निष्कर्ष राजकीय पंडितांकडून काढला जात आहे. Modi Nick name Laoxian २०१४ मध्ये मोदी सत्तेत आल्यापासून त्यांनी अनेक देशांना भेटी दिल्या. गेल्या अनेक वर्षांत ज्या देशांमध्ये कधी भारताचे प्रतिनिधी पोहोचलेच नव्हते, ज्या देशांशी कधी मुत्सद्दिक आणि राजकीय संबंध प्रस्थापितच झाले नव्हते, अशा देशांमध्ये मोदी गेले आणि त्यांची त्या देशांशी निव्वळ मुत्सद्दिक संबंधच मजबूत केले नाहीत, तर त्या देशांशी सांस्कृतिक, व्यावसायिक, औद्योगिक, लष्करी, शैक्षणिक, आरोग्यविषयक, पर्यटनविषयक संबंध बळकट करण्यासाठीही प्रभावी पावले टाकली. Modi Nick name Laoxian

मोदींनी आपल्या कार्यकाळात विकसित देशांना तर जवळ केलेच; पण लहान लहान विकसनशील देशांना भेटी देऊन, त्या देशांच्या नेतृत्वाच्या आणि तेथील जनतेच्याही मनात भारताबद्दल आस्था जागविली. Modi Nick name Laoxian मोदींनी टाकलेल्या पावलांमुळे, संकटकाळी आपल्याला मदत करणारा देश म्हणून विकसनशील देश भारताकडे मोठ्या आशेने बघू लागले. मोदींनी केवळ अशी प्रतिमाच निर्माण केली नाही, तर संकटकाळी भारत अशा देशांच्या मदतीला धावून जाणा-या देशांमध्ये अव्वल ठरतो, हेदेखील पटवून दिले. Modi Nick name Laoxian  दहशतवादाच्या मुद्यावर पाकिस्तानची री ओढून भारताशी पंगा घेणा-या तुर्कीमध्ये भूकंप आला असता तेथे मदतीसाठी लष्करी तुकड्या आणि आवश्यक मदत सामग्री पाठवणा-या देशांमध्ये भारत अग्रेसर होता. भारतात सत्तेवर आल्यापासून मोदींची चीनचे राष्ट्राध्यक्ष शी जिनपिंग यांच्याशी दोनदा शिखर परिषद झाली. Modi Nick name Laoxian  एकदा ते वुहानमध्ये जिनपिंग यांना भेटले आणि नंतर चेन्नईजवळील मल्लापुरम येथे त्यांचा आणि शी जिनपिंग यांचा संवाद झाला. या शिखर परिषदांचे सकारात्मक वारे चीनमध्ये आणि तेथील नेटिझन्सपर्यंतही पोहोचले. Modi Nick name Laoxian  यातून भारत-चीन या देशांमधील संबंध सुधारण्याबाबतच्या आशा पल्लवित झाल्या. पूर्व लडाखमध्ये सीमावादावर तोडगा काढण्यासाठी झालेल्या कराराचे उल्लंघन करून चीनने घुसखोरी केल्याने उभय देशांचे संबंध अतिशय विकोपाला गेले होते.

त्यामुळे लष्करी संबंधांमध्ये अडथळे आले होते. तीन वर्षे चाललेले हे शीतयुद्ध सोडविण्यासाठी लष्करी कमांडर्सच्या १७ उच्चस्तरीय चर्चेच्या फे-या झाल्या. Modi Nick name Laoxian  मात्र एक गोष्ट खरी की, उभय देशांचे संबंध सुरळीत व्हायचे असतील तर सीमेवर शांतता प्रस्थापित होणे गरजेचे आहे. चिनी नागरिकांमध्ये मोदींची प्रतिमा उंचावणे याला आगळे महत्त्व आहे. भारत आणि चीन या दोन्ही देशांमध्ये भविष्यातील महाशक्तींच्या रूपात बघितले जाते. दोन्ही देशांची लोकसंख्या ही त्यांच्यासाठी जमेची बाजू ठरते. त्यातल्या त्यात तरुणाईची संख्यासुद्धा उभय देशांना पूरक ठरते. मात्र, सीमावादामुळे उभय देशांमध्ये बरेचदा अशांतता निर्माण होते. त्यातल्या त्यात आगळीक करणारा देश म्हणून भारत चीनकडे बघतो. Modi Nick name Laoxian  पण बदलत्या परिस्थितीत आणि मोदींबद्दलचे आकर्षण वाढू लागल्याने चीन सरकारलाही त्याची नोंद घेणे भाग पडणार आहे. आपल्या देशातील लोकांना आवडणा-या मोदींच्या देशात आपल्यामुळे अशांतता पसरू नये, यासाठी चिनी नेतृत्वावर दबाव येण्याची शक्यता मुळीच नाकारली जाऊ शकत नाही. Modi Nick name Laoxian  ‘मोदी लाओशियन’ असे टोपण नाव प्रत्येक चिनी व्यक्तीच्या ओठावर आल्यास उभय देशांचे संबंध दृढ झाल्याशिवाय राहणार नाहीत.