---Advertisement---
अंटार्क्टिकामधील बर्फाखालून येणाऱ्या विचित्र रेडिओ लहरी आढळल्या आहेत. यामुळे शास्त्रज्ञ गोंधळून गेले आहेत, पेनसिल्व्हेनिया विद्यापीठातील संशोधकांच्या एका गटाने ह्या रहस्यमय लहरी शोधल्या आहेत. फिजिकल रिव्ह्यू लेटर्स जर्नलमध्ये प्रकाशित झालेल्या संशोधनाच्या निकालांनुसार, अंटार्क्टिक इम्पल्सिव्ह ट्रान्झियंट अँटेनाद्वारे रहस्यमय रेडिओ लहरी शोधल्या गेल्या.
डिटेक्टरपर्यंत पोहोचण्यापूर्वी असामान्य लहरींना हजारो किलोमीटर खडकांमधून प्रवास करावा लागला. सामान्य परिस्थितीत, अंतर आणि विकृतींमुळे रेडिओ लहरी शोधता आल्या नसत्या, मात्र अकस्मितपणे त्यांचा शोध लागला, असे संशोधकांचे मत आहे. आम्हाला आढळलेल्या रेडिओ लहरी बर्फाच्या पृष्ठभागापासून ३० अंश खाली होत्या, असे टीममध्ये काम करणाऱ्या खगोलशास्त्र आणि भौतिकशास्त्राच्या सहयोगी प्राध्यापक स्टेफनी विसेल म्हणाल्या.
हे मनोरंजक आहे, कारण त्या विसंगती कशा आहेत याचे स्पष्टीकरण अद्याप आपल्याकडे नाही, परंतु आपल्याला हे माहित आहे की ते बहुधा न्यूट्रिनोचे प्रतिनिधित्व करत असावेत, असे विसेल म्हणाल्या. पेन स्टेट टीमकडे सध्या या असामान्य लारींबद्दल कोणतेही उत्तर नसले तरी, आशा आहे की न्यूट्रिनो लहरी शोधण्यात अधिक चांगला असलेला पीयूईओ नावाचा नवीन डिटेक्टर, हे गूढ उकलू शकेल, असे त्या म्हणाल्या.
हे एक दीर्घकालीन रहस्य
तुमच्यामधून कोणत्याही क्षणी अब्जावधी न्यूट्रिनो जाऊ शकतात, परंतु ते तुमच्याशी संवाद साधत नाहीत. माझा अंदाज असा आहे की बर्फाजवळ आणि क्षितिजाजवळ काही रेडिओ लहरींचा परिणाम होतो. याबाबत अद्याप पूर्णपणे ज्ञान नाही, परंतु आम्ही निश्चितपणे त्यापैकी अनेकांचा शोध घेतला आहे आणि आम्हाला अद्याप त्यापैकी एकही सापडलेला नाही. सध्या, हे या दीर्घकालीन रहस्यांपैकी एक आहे.
चुकून सापडल्या रेडिओ लहरी
न्यूट्रिनो शोधताना शास्त्रज्ञांना रेडिओ लहरी चुकून सापडल्या आहेत. न्यूट्रिनो हा एक प्रकारचा कण आहे. याचे वस्तुमान सर्व उपअणु कणांपेक्षा सर्वात लहान आहे. ते सहसा सूर्यासारख्या उच्च ऊर्जा स्त्रोतांद्वारे किंवा सुपरनोव्हा किंवा अगदी विग वेंगसारख्या मोठ्या वैश्विक घटनांद्वारे उत्सर्जित होतात.
