अफगाणिस्तानातून कोणताही दहशतवादी भारतात येणार नाही, परराष्ट्रमंत्र्यांच्या भेटीनंतर मौलाना मदनींची प्रतिक्रिया

अफगाणिस्तानचे परराष्ट्र मंत्री अमीर खान मुत्तकी सध्या भारताच्या दौऱ्यावर असताना त्यानी शनिवारी देवबंदला भेट दिली. या दरम्यान त्यांनी दारुल उलूमचे मोहतमीम अब्दुल कासिम नोमानी आणि मौलाना अर्शद मदनी यांची भेट घेतली. मुत्ताकी यांनी संपूर्ण दारुल उलूमचा दौरा केला आणि मशिदीलाही भेट दिली. माध्यमांशी बोलताना अफगाणिस्तानचे परराष्ट्र मंत्री म्हणाले की त्यांना दारुल उलूमला भेट देऊन खूप आनंद झाला. येथे त्यांचे स्वागत करण्यात आल्याने ते खूप आनंदी आहेत. मला आशा आहे की भारत आणि अफगाणिस्तानमधील संबंध आणखी मजबूत होतील.

मौलाना अर्शद मदनी पुढे म्हणाले की ज्याप्रमाणे भारताने ब्रिटिशांना पराभूत केले त्याचप्रमाणे अफगाणिस्तानने अमेरिका आणि रशियासारख्या शक्तींना पराभूत केले. “तुम्ही आमच्याकडून स्वातंत्र्य कसे मिळवायचे ते शिकलात.” त्यांनी स्पष्ट केले की अफगाणिस्तानचे परराष्ट्र मंत्री मुत्तकी यांच्याशी झालेली ही भेट भारतीय मुस्लिम आणि दारुल उलूम देवबंद आणि अफगाणिस्तान यांच्यातील खोल संबंधांचे प्रतीक आहे.

मदनी म्हणाले की, भारत नेहमीच तक्रार करत आला आहे की अफगाणिस्तानातून दहशतवादी भारतात पाठवले जातात, परंतु या बैठकीनंतर हे स्पष्ट झाले आहे की अफगाणिस्तानातून कोणतेही दहशतवादी भारतात येणार नाहीत.

काय म्हणाले मुत्तकी?

दरम्यान, अफगाणिस्तानचे परराष्ट्र मंत्री अमीर खान मुत्तकी यांनी शनिवारी सांगितले की, भविष्यात भारत आणि अफगाणिस्तानमधील संबंध अधिक मजबूत होतील. दारुल उलूम देवबंद येथे झालेल्या त्यांच्या स्वागताबद्दल त्यांनी भारतीय जनतेचे आभार मानले. दारुल उलूम देवबंद ही दक्षिण आशियातील सर्वात प्रभावशाली इस्लामिक शैक्षणिक संस्था मानली जाते. सहारनपूरमध्ये आलेले मुत्तकी म्हणाले, “आम्ही येथे नवीन राजदूत पाठवू आणि तुम्हीही काबूलला याल अशी आशा आहे. दिल्लीत ज्या प्रकारचे स्वागत झाले त्यामुळे मला विश्वास आहे की भविष्यात भारत-अफगाणिस्तानचे संबंध आणखी चांगले होतील. भविष्यात अशा भेटी आणखी वाढू शकतात.”

सहारनपूरमध्ये मुक्तकी यांचे भव्य स्वागत

दिल्लीहून देवबंदला पोहोचलेल्या मुत्ताकी यांचे स्वागत दारुल उलूम देवबंदचे मोहतमीम (कुलगुरू) अबुल कासिम नोमानी, जमियत उलेमा-ए-हिंदचे अध्यक्ष मौलाना अर्शद मदनी आणि दारुल उलूमचे अधिकारी यांनी केले. शेकडो विद्यार्थी आणि स्थानिक लोक मुत्ताकी यांना भेटण्यासाठी उत्सुक होते, परंतु सुरक्षेच्या कारणास्तव त्यांना जवळ जाऊ दिले नाही. मुत्ताकी म्हणाले, “एवढ्या भव्य स्वागतासाठी आणि लोकांच्या प्रेमाबद्दल मी आभारी आहे.”