धुळ्यात १४ ऑगस्ट रोजी प्लेसमेंट ड्राइव्ह, युवकांना रोजगाराची सुवर्णसंधी

जिल्हा कौशल्य विकास, रोजगार व उद्योजकता मार्गदर्शन केंद्र, धुळे आणि मॉडेल करिअर सेंटर यांचेमार्फत गुरुवार, १४ ऑगस्ट रोजी सकाळी १० ते दुपारी २ या वेळेत येथील जुने जिल्हाधिकारी कार्यालय आवारातील प्रशासकीय संकुलात प्लेसमेंट ड्राइव्ह (जागेवर निवड) होणार आहे, अशी माहिती कौशल्य विकास रोजगार व उद्योजकताचे प्रभारी सहाय्यक आयुक्त सी.एस. दुसाने यांनी दिली.
नोकरीच्या शोधात असलेल्या धुळे जिल्ह्यातील युवक-युवतींना विविध खासगी कंपन्या, कारखाने, उद्योग-व्यवसाय आणि आस्थापना यांचेकडील रोजगाराच्या संधी उपलब्ध करण्याच्या उद्देशाने प्रत्येक महिन्यात रोजगार सहाय्यासाठी विशेष मोहीम सुरू करण्यात आली आहे. यासाठी नवभारत फर्टीलायझर तसेच एलआयसी मध्ये ४८० रिक्त पदे प्राप्त झालेली आहेत. याकरीता नोकरीस इच्छुक दहावी, बारावी, पदवीधर, आयटीआय पात्रताधारक उमेदवारांची प्रत्यक्ष मुलाखती घेण्यात येवून त्यांची जागेवरच निवड करण्यात येणार आहे.

अशी करा नोंदणी ?

धुळे जिल्ह्यातील नोकरी इच्छुकांनी या संधीचा लाभ व अधिक माहिती घेण्यासाठी विभागाच्या www.mahaswayam.gov.in या वेबसाईटला भेट द्यावी. यापूर्वी नोंदणी केली नसल्यास प्रथम आपली नोंदणी करावी आणि होम पेज वरील नोकरी साधक लॉगिन मधून आपल्या युजर आयडी व पासवर्डच्या आधारे लॉगिन करावे.

त्यानंतर डॅशबोर्ड मधील पंडित दीनदयाळ उपाध्याय जॉब फेअर या बटनावर क्लिक करून धुळे जिल्हा निवडून त्यातील प्लेसमेन्ट ड्राइव्ह (२०२५-२६) धुळे याची निवड करावी. उद्योजक-नियोक्तानिहाय रिक्त पदांची माहिती घ्यावी. याप्रमाणे आवश्यक किमान पात्रता धारण करीत असल्याची खात्री करून उपलब्ध असलेल्या रिक्त पदासाठी ऑनलाइन पद्धतीने आपला पसंती क्रमांक नोंदवावा. आणि किमान दोन प्रतीत बायोडाटासह फोटो, आधारकाडू, सेवायोजना नोंदणी कार्ड, शैक्षणिक व व्यावसायिक पात्रता आदी कागदपत्रे देण्यासाठी प्रत्यक्ष मुलाखतीसाठी उपस्थित राहावे.

अधिक माहितीसाठी वेबसाइटः https://www.mahaswayam.gov. in पोर्टल संदर्भात आणि: https://www.ncs.gov.in/ पोर्टल संदर्भात म केश बोरसे ८६००३०३४८७ यांच्याशी संपर्क साधावा. आणि किमान दोन प्रतीत बायोडाटासह फोटो छायाप्रती संच सोबत ठेवून गुरुवार, दि. १४ ऑगस्ट, २०२५ रोजी सकाळी १० वाजता प्रत्यक्ष मुलाखतीसाठी प्रशासकीय संकुल, जुने जिल्हाधिकारी कार्यालय, आवार, धुळे येथे उपस्थित राहून या प्लेसमेंट ड्राईव्हमध्ये सहभागी व्हावे. आणि रोजगाराच्या या पर्वणीचा निश्चित लाभ घ्यावा, असे आवाहन कौशल्य विकास रोजगार व उद्योजकता, प्रभारी सहायक आयुक्त दुसाने यांनी केले आहे.