Raver Assembly Election Results 2024 : रावेर विधानसभा मतदार संघांत महायुतीचे अमोल हरिभाऊ जावळे हे विजयी झाले आहेत.
रावेर विधानसभा मतदार संघांत भारतीय जनता पार्टीचे माजी आमदार हरिभाऊ जावळे यांचे पुत्र अमोल जावळे, काँग्रेसचे आमदार शिरीष चौधरी यांचे पुत्र धनंजय चौधरी तसेच प्रहार जनशक्ती पार्टीचे अनिल चौधरी यांच्यात प्रमुख लढत होती. यात अमोल जावळे हे विजयी झाले आहेत.
तर जामनेर मतदार संघांतून महायुतीचे मंत्री गिरीश महाजन यांनी महा विकास आघाडीचे उमेदवार दिलीप खोडपे यांचा पराभव केला आहे.
महाराष्ट्रातील २८८ विधानसभा निवडणुकांचे निकाल आज जाहीर होत आहेत. दरम्यान, निकालांवर अवलंबून असलेल्या या सर्व तयारीने महाराष्ट्रातील राजकीय परिस्थिती आणखी चुरशीची झाली आहे.
सायंकाळपर्यंत महाराष्ट्राच्या नव्या सरकारचा चेहरा स्पष्ट होईल. कोणाला बहुमत मिळेल, कोणते गट एकत्र येतील, आणि सत्ता स्थापनेसाठी कोणती रणनीती अवलंबली जाईल, याबाबत राज्यातील जनतेत कमालीची उत्सुकता आहे.
