तरुण भारत लाईव्ह न्यूज । ७ डिसेंबर २०२२ । अभिनेता अक्षय कुमार ‘वेडात मराठे वीर दौडले सात’ या चित्रपटात छत्रपती शिवाजी महाराजांची भूमिका साकारतोय. अक्षयने मंगळवारी चित्रपटातील त्याचा फर्स्ट लूक सोशल मीडियावर पोस्ट केला. त्या फर्स्ट लूकवर सर्वसामान्यांसोबतच अभिनेता अजय देवगणने ही अक्षयचा लूक शेअर करत त्याला शुभेच्छा दिल्या.
या चित्रपटात अक्षय कुमारसोबत जय दुधाणे, उत्कर्ष शिंदे, विशाल निकम, विराट मडके, हार्दीक जोशी, सत्या, अक्षय, नवाब खान आणि प्रवीण तरडे यांच्याही भूमिका आहेत. महेश मांजरेकर दिग्दर्शित हा चित्रपट 2023 मध्ये दिवाळीच्या मुहूर्तावर प्रेक्षकांच्या भेटीला येणार आहे. मराठी, हिंदी, तमिळ आणि तेलुगू अशा चार भाषांमध्ये हा चित्रपट प्रदर्शित होणार आहे.
अजय नेमकं काय म्हणाल?
‘प्रिय अक्षय कुमार, ‘वेडात मराठे वीर दौडले सात’ या मराठी चित्रपटात तुला पाहण्यासाठी मी खूप उत्सुक आहे. ते माझे आवडते मराठा नायक आहेत आणि या महान योद्धांवर आणखी एक चित्रपट बनवला जात असल्याचा मला आनंद आहे’, असं त्याने लिहिलं.
