Shah Rukh Khan : बॉलिवूडचा बादशाह शाहरुख खानचे नाणे पुन्हा एकदा चलू लागले आहे. बॉलिवूडचा बादशहा किंगखान याने पठाण’ चित्रपटातून पुनरागमन केले आहे. त्यांच्या चित्रपटाच्या कमाईपुढे कोणताही हिंदी चित्रपट टिकू शकलेला नाही.
‘पठाण’ने जगभरात 1000 कोटींचा व्यवसाय केला आहे. आता त्याच्या चाहत्यांच्या नजरा त्याच्या आगामी प्रोजेक्ट्सकडे लागल्या आहेत. दरम्यान, शाहरुख एका अपघाताचा बळी ठरला आहे. शाहरुख खान नुकताच लॉस एंजेलिसमध्ये शूटिंग करत होता. शूटिंगदरम्यान शाहरुखसोबत अपघात झाला. त्यामुळे त्याला दुखापत झाली. ही दुखापत फार मोठी नसली तरी शाहरुख खानवर एक छोटीशी शस्त्रक्रिया करण्यात आली आहे. किंग खानला त्याच्या आगामी प्रोजेक्टच्या शूटिंगदरम्यान नाकाला दुखापत झाल्याचे समजते. त्यानंतर अभिनेत्याच्या नाकातून रक्त वाहू लागले. किंग खान सोबत झालेला अपघात हा चर्चेचा विषय बनला आहे.
