शेअर बाजार : गुरुवारी सकाळच्या ट्रेडिंग सत्रात चांगल्या जागतिक संकेतांमुळे शेअर बाजाराची सुरुवात सकारात्मक झाली. सेन्सेक्स 73200 आणि निफ्टी 22200 च्या जवळ व्यवहार करत आहे. बँकिंग आणि आयटी क्षेत्रात खरेदी होत आहे. आजच्या व्यवहारात बँकिंग शेअर्स तेजीत आहेत. यासोबतच वित्तीय सेवा शेअर्समध्येही वाढ होत आहे. सुरुवातीच्या व्यवहारात ऑटो, बँकिंग, एफएमसीजी, इन्फ्रा, आयटी निर्देशांकात वाढ झाली. रिलायन्स इंडस्ट्रीजचे शेअर आज पुन्हा वाढीसह उघडले. बजाज ऑटो, टायटन कंपनीच्या शेअर्समध्ये सुरुवातीला वाढ झाली. इन्फोसिसचे शेअर्सही वधारत आहेत. आज आर्थिक वर्ष 2023-24 चे शेवटचे ट्रेडिंग सत्र आहे. त्यामुळे आजच्या ट्रेडिंग सत्रात बाजारात काही प्रमाणात अस्थिरता दिसण्याची शक्यता आहे.
