सोमवारी येणाऱ्या अमावास्येला सोमवती अमावस्या म्हणतात. हिंदू धर्मात सोमवती अमावस्येला विशेष महत्त्व आहे. या दिवशी चंद्र दिसत नाही. विवाहित स्त्रिया आपल्या पतीच्या दीर्घायुष्यासाठी सोमवती अमावस्येचे व्रत करतात. सोमवती अमावस्येच्या दिवशी देवी पार्वती आणि भगवान शिव यांची पूजा करण्याचा विधी आहे.
या दिवशी पिंपळाच्या झाडाची पूजा केली जाते. मान्यतेनुसार पिंपळाच्या झाडात देवता वास करतात. ३० डिसेंबरला सोमवती अमावस्या साजरी होणार आहे. जर कोणाच्या कुंडलीत पितृदोष असेल तर या दिवशी स्नान करून दान केल्याने आराम मिळतो. तसेच कालसर्प दोषाने त्रस्त असलेल्यांनीही या दिवशी दान करावे.
सोमवती अमावस्या 2024 पूजन मुहूर्त
हिंदू कॅलेंडरनुसार, सोमवती अमावस्या 30 डिसेंबर रोजी पहाटे 4:01 वाजता सुरू होईल आणि तिथी 31 डिसेंबर रोजी पहाटे 3:56 वाजता समाप्त होईल. या दिवशी स्नान आणि दान करण्याचा शुभ मुहूर्त पहाटे 5.24 ते 6.19पर्यंत असेल.
सोमवती अमावस्या 2024 शुभ योग
वर्षातील शेवटची अमावस्या म्हणजेच सोमवती अमावस्या अतिशय विशेष मानली जाते. या वेळी सोमवती अमावस्येला, वृद्धी योग, ध्रुव योग, शिववास योग, नक्षत्र योग या सर्व योगांचे संयोजन होणार आहे.
सोमवती अमावस्या पूजन विधि
या दिवशी पवित्र नदी, तलाव किंवा कुंडात स्नान करून सूर्यदेवाला अर्घ्य द्यावे. गायत्री मंत्राचा जप करा. यानंतर भगवान शंकराची पूजा करावी. पितरांना तर्पण अर्पण करून त्यांच्या मोक्षाची कामना करावी. पूजेनंतर एखाद्या गरजू व्यक्तीला अन्न आणि वस्त्र दान करा. या दिवशी लक्ष्मीची पूजा करणे देखील शुभ मानले जाते. सोमवती अमावस्येच्या दिवशी विवाहित महिला पिंपळाच्या झाडाची पूजा करतात. सोमवती अमावस्येच्या दिवशी, भगवान शंकराची विशेष प्रार्थना करून अशक्त चंद्र बलवान होऊ शकतो.
सोमवती अमावस्येला या गोष्टी करू नका
1. जर तुम्ही सोमवती अमावस्येला उपवास करत असाल तर मेकअप करणे टाळा. साधेपणा अंगीकारावा. या दिवशी चटईवर झोपावे आणि अंगाला तेल लावू नये. तसेच दुपारी झोपणे टाळा.
2. सोमवती अमावस्येला संयम पाळावा. या दिवशी स्त्री-पुरुष शारीरिक संबंध ठेवू नयेत. गरुड पुराणानुसार अमावस्येला लैंगिक संबंधातून जन्मलेल्या मुलांना आयुष्यभर सुख मिळत नाही.
3. अमावस्येला पिंपळाच्या झाडाची पूजा केल्याने शुभ परिणाम मिळतात, मात्र शनिवार सोडून इतर कोणत्याही दिवशी पिंपळाला हात लावू नये. त्यामुळे पूजा करा, पण पिंपळाच्या झाडाला हात लावू नका. यामुळे संपत्तीची हानी होते.
4. अमावस्येला, कोणत्याही व्यक्तीने स्मशानभूमीच्या आसपास फिरकू नये. या दिवशी नकारात्मक शक्ती सक्रिय असतात.
