Allu Arjun : साऊथ सुपरस्टार अल्लू अर्जुनला हैदराबादमधील चिक्कडपल्ली पोलिसांनी संध्या थिएटरमधील चेंगराचेंगरीप्रकरणी अटक केली आहे.
4 डिसेंबर 2024 रोजी, ‘पुष्पा 2’ या चित्रपटाच्या प्रीमिअरच्या वेळी संध्या थिएटरमध्ये अल्लू अर्जुनला पाहण्यासाठी भारी गर्दी जमली होती. यामुळे झालेल्या चेंगराचेंगरीत एक 35 वर्षीय महिलेचा मृत्यू झाला, तर तिच्या आठ वर्षांच्या मुलगा जखमी झाला होता. त्याच्यावर रुग्णालयात उपचार सुरु आहे.
या घटनेवर अल्लू अर्जुनविरोधात एफआयआर दाखल करण्यात आले होते. या एफआयआरच्या विरोधात, बुधवारी (12 डिसेंबर 2024) अल्लू अर्जुनने तेलंगणा उच्च न्यायालयात धाव घेत, एफआयआर रद्द करण्याची मागणी केली. मात्र, आज अल्लू अर्जुनला हैदराबादमधील चिक्कडपल्ली पोलिसांनी अटक केली आहे.
4 डिसेंबर 2024 रोजी घडलेल्या घटनांनंतर, 5 डिसेंबर रोजी शहर पोलिसांनी अल्लू अर्जुन, त्याच्या सुरक्षा टीम आणि थिएटर व्यवस्थापनाविरुद्ध भारतीय न्याय संहितेच्या (IPC) कलम 105 आणि 118(1) अंतर्गत चिक्कडपल्ली पोलीस ठाण्यात तक्रार दाखल केली होती.
तपासादरम्यान, पोलिसांनी थिएटर व्यवस्थापनातील तीन लोकांना अटक केली – थिएटर मालकांपैकी एक, वरिष्ठ व्यवस्थापक आणि बाल्कनी क्षेत्राच्या प्रभारी. या घटनेनंतर अल्लू अर्जुनने एफआयआर रद्द करण्यासाठी न्यायालयात याचिका दाखल केली होती आणि त्याच्या अटकेसह पुढील कारवाईला स्थगिती देण्याची विनंती केली होती. मात्र, आज अल्लू अर्जुनला हैदराबादमधील चिक्कडपल्ली पोलिसांनी अटक केली आहे.
