Stock Market : भारतीय शेअर बाजार मंगळवारी (२४ डिसेंबर) उच्च पातळीवरून नफा बुकींगनंतर घसरणीवर बंद झाले. आजच्या व्यवहारात दिवसभरात बाजाराला थोडा फायदा होताना दिसला, पण यानंतर दुसऱ्या सहामाहीत बाजाराने काही नफा गमावला आणि थोड्या घसरणीसह बंद झाला. निफ्टी 25 अंकांनी घसरून 23,727 वर बंद झाला. सेन्सेक्स 67 अंकांनी घसरून 78,472 वर बंद झाला आणि तर निफ्टी बँक 84 अंकांनी घसरून 51,233 वर बंद झाला.
जेएसडब्ल्यू स्टील, टाटा स्टील, इंडसइंड बँक आणि विप्रो निफ्टीवर सर्वाधिक घसरले. यामध्ये दीड ते दोन टक्क्यांची घसरण झाली. त्याच वेळी, इंडो काउंट -4.3%, मॅनकाइंड फार्मा -3.6%, गो डिजिट -3.6% आणि ग्लेनमार्क लाइफ -3.5% च्या घसरणीसह बंद झाले. याशिवाय टाटा मोटर्स, अदानी Ent, ITC, आणि ब्रिटानिया 1-1.8% च्या वाढीसह बंद झाले.
निर्देशांकांमध्ये बीएसई ऑइल अँड गॅस +1.1%, निफ्टी ऑटो +0.8%, निफ्टी एफएमसीजी +0.6% आणि निफ्टी मायक्रोकॅप 250 +0.6% च्या वाढीसह बंद झाले.
