Stock market: महाराष्ट्रात महायुतीला मिळालेल्या बंपर विजयाचा परिणाम शेअर बाजारात स्पष्टपणे दिसून येत आहे. आठवड्यातील पहिल्या ट्रेडिंग सत्रात शेअर बाजारात तेजी दिसून आली आहे. सेन्सेक्स एक हजारांहून अधिक वाढीसह उघडला आणि 80 हजार अंकांच्या पुढे गेला. दुसरीकडे, निफ्टीमध्ये 400 हून अधिक अंकांची वाढ दिसून आली.
बॉम्बे स्टॉक एक्सचेंजचा प्रमुख निर्देशांक सेन्सेक्स हजाराहून अधिक अंकांच्या वाढीसह 80,193.47 अंकांवर उघडला. ट्रेडिंग सत्रादरम्यान, 1300 अंकांची वाढ दिसून आली आणि तो 80407 अंकांसह दिवसाच्या उच्चांकावर पोहोचला. शुक्रवारी सेन्सेक्स 1900 हून अधिक अंकांच्या वाढीसह 79,117.11 अंकांवर बंद झाला.
दुसरीकडे, निफ्टी सुमारे 350 अंकांच्या वाढीसह 24,253.55 अंकांवर उघडला आणि व्यवहाराच्या सत्रादरम्यान तो 423 अंकांनी वाढून 24330.7 अंकांसह दिवसाच्या उच्चांकावर पोहोचला. सध्या निफ्टी 388.80 अंकांच्या वाढीसह 24,296.05 अंकांवर व्यवहार करत आहे.
कोणते शेअर्स वाढत आहेत?
नॅशनल स्टॉक एक्स्चेंजच्या शेअर्सबद्दल बोलायचे झाले तर अदानी समूहाव्यतिरिक्त रिलायन्स इंडस्ट्रीज, एसबीआय, एल अँड टी, आयसीआयसीआय बँक यांचे शेअर्स वधारताना दिसत आहेत. बीपीसीएलच्या शेअरमध्ये 5.70 टक्क्यांनी वाढ होत आहे. त्याच वेळी, बीईएलचे समभाग 4.68 टक्क्यांनी व्यवहार करताना दिसत आहेत. ओएनजीसीचे शेअर्स 4.13 टक्क्यांच्या वाढीसह व्यवहार करताना दिसत आहेत. श्रीराम फायनान्सचे शेअर्स 3.84 टक्क्यांच्या वाढीसह व्यवहार करत आहेत. L&T चे शेअर्स 3.52 टक्क्यांनी वाढताना दिसत आहेत. बॉम्बे स्टॉक एक्स्चेंजवर देशातील सर्वात मोठी कंपनी रिलायन्स इंडस्ट्रीजच्या शेअरमध्ये 2.25 टक्क्यांनी वाढ होत आहे. टाटा स्टीलचा शेअर 1.47 टक्के, टाटा मोटर्सचा 1.41 टक्के, एसबीआयचा 3.38 टक्के वाढला आहे.
दरम्यान गेल्या आठवड्यात, यूएस न्याय विभाग आणि SEC च्या कथित लाचखोरीच्या आरोपांमुळे, भारतीय अब्जाधीश गौतम अदानी यांच्या कंपन्यांच्या शेअर्सवर नकारात्मक परिणाम झाला. पण आठवड्याच्या पहिल्याच दिवशी शेअर बाजारात लिस्ट असलेल्या गौतम अदानींच्या सर्व कंपन्यांच्या शेअर्समध्ये वादळी वाढ झाली.
अदानी समूहाची प्रमुख कंपनी अदानी एंटरप्रायझेसचे शेअर्स 2.12% वाढून 2,276.85 रुपयांवर व्यवहार करत होते. याशिवाय अदानी एनर्जी सोल्युशन्सचा शेअर 4.71% च्या वाढीसह 679.50 रुपयांवर व्यवहार करत आहे.
अदानी विल्मार शेअर (1.27%), ACC लि. शेअर (1.40%), अंबुजा सिमेंट शेअर (1.00%) आणि NDTV शेअर (0.37%) तेजीत आहेत. अदानी पोर्ट्स (2.25%), अदानी टोटल गॅस शेअर (2.11%), अदानी पॉवर शेअर (1.25%), अदानी ग्रीन एनर्जी शेअर (2.67%),
