जळगाव : श्रीरामनवमीनिमित्त (Ram Navami 2025) संभाजीनगरातील दत्त मंदिरात आज रविवारी रोजी सायंकाळी साडेसहाला सुंदरकांड वाचनाचा कार्यक्रम आयोजित केला आहे. भाविकांनी सुंदरकांड श्रवण व प्रसादाचा लाभघ्यावा, अशी विनंती आयोजक श्री दत्त मंदिर परिसर महिला मंडळाने केली आहे.
रामनवमीनिमित्त स्वच्छता अभियान
जळगाव : श्री रामनवमीच्या पार्श्वभूमीवर अयोध्यानगर परिसरात स्वच्छता मोहीम राबविण्यात आली. या वेळी श्रीराम मंदिर परिसर, मनपा-आरोग्य विभागाच्या मदतीने भाजपाचे माजी नगरसेवक डॉ. वीरेन सुरेश खडके यांनी परिसर स्वच्छ करून घेतला. या वेळी मंडळ अध्यक्ष सुनील सरोदे, संतोष इंगळे, अनिल चौधरी, प्रदीप रोटे, राजेंद्र महाजन, भैरव भंगाळे व परिसरातील नागरिक उपस्थित होते.
‘गीत रामायण’मधील रचनांनी रसिकांचे वेधले लक्ष
जळगाव : श्रीराम नवमी उत्सवानिमित्त कै. नथ्थू सुपडू चांदसरकर चॅरिटेबल ट्रस्ट आणि चैतन्यनगर ज्येष्ठ नागरिक संघ व सुर्वे फाउंडेशन यांच्यातर्फे कविवर्य ग. दि. माडगूळकर लिखित ‘गीत रामायण’ मधील स्व. सुधीर फडके यांनी गायलेल्या ५६ रचनांपैकी काही निवडक रचनांचे सादरीकरण स्वरवेध फाउंडेशनचे अध्यक्ष भागवत पाटील व शहरातील ज्येष्ठ गायक नीलकंठ कासार यांनी सादर करून रसिक श्रोत्यांची मने जिंकली.
सुरुवातीला पंडित संजय पत्की यांचे शिष्य इंजिनिअर भागवत पाटील यांनी विविध प्रभू श्री रामचंद्रावरील आधारित निवडक गीत रामायणामधील रचनांचे सादरीकरण केले. ज्येष्ठ गायक नीळकंठ कासार यांनी निवडक रचना सादर केल्या. प्रभू रामचंद्रांवर आधारित महेंद्र कपूर यांनी गायलेले भजन होते. सुरुवातीला साने गुरुजींची प्रार्थना संघाच्या महिला सदस्या चैतन्य करावे ग्रुप मंचच्या पुष्पा पाटील व भारती पाटील यांनी सादर केली.
ज्येष्ठ नागरिक संघाचे अध्यक्ष अॅड. अरुण दांडे यांनी या कार्यक्रमाचे दाते श्यामकांत निकुंभ, सतीश नामदेव, शरद सोनवणे यांचा सत्कार केला. या कार्यक्रमासाठी सौजन्य लाभलेले कै. नथ्थू सुपडू चांदसरकर चॅरिटेबल ट्रस्टचे अध्यक्ष मेजरनाना वाणी व प्रमोद चांदसरकर यांनी भ्रमणध्वनीवरून या उपक्रमाला शुभेच्छा दिल्या.
या कार्यक्रमात भागवत पाटील यांनी ‘ज्येष्ठ तुझा पुत्र मला देई दशरता, सुग्रीवा हे साहस असले, सेतू बांधावे सेतू बांधा रे नकोस, नौके परत फिरू ग नकोस, ओके परत फिरू, स्वयंवर झाले शेतीचे, नील या उडूनी गगनात दशरथा घे, गगनात पेटली लंका, हनुमंत कभी ना पिसूर राम को हे रामचंद्र कह गये’ हे गीते सादर केली. नीलकंठ कासार यांनी राम जन्मला ग सखे राम जन्मला, दशरता घे हे पसायदान, पराधीन आहे जगती पुत्र मानवाचा, आज का निष्फळ होती, बाण तरुण जो जाईला, सिंधू महान असा हा एकच श्री हनुमान या रचना सादर केल्या. संपूर्ण कार्यक्रमाचे अभ्यासपूर्ण निवेदन डॉ. प्रा. प्रतिभा पाटील यांनी सादर केले. हार्मोनियम साथ सुशील महाजन, तबलासाथ प्रेमी महाजन यांनी केली.
