भडगाव : तालुक्यातील कजगाव रेल्वे स्टेशन प्लॅटफॉर्मवर एका अनोळखी व्यक्तीचा मृतदेह आढळून आला आहे. या अनोळखी व्यक्तीची ओळख पटवण्याचे आवाहन चाळीसगाव रेल्वे पोलिसांकडून करण्यात आले आहे. याबाबत चाळीसगाव रेल्वे स्टेशनला अकस्मात मृत्यूची नोंद करण्यात आली आहे.
दरम्यान, या अनोळखी व्यक्तीबाबत कुणाला काही माहिती असल्यास सहायक फौजदार रामराव इंगळे यांच्याशी 9923168539 या मोबाईल क्रमांकावर संपर्क साधण्याचे आवाहन करण्यात आले आहे.
कजगाव रेल्वे स्टेशन कि.मी. 346/24 जवळ प्लॅटफॉर्म 1 व 2 वर अनोळखी व्यक्ती मृत अवस्थेत आढळून आला आहे. या मयत व्यक्तीची उंची अंदाजे 170 से.मी. असून नाक बसके आहे. रंग सावळा असून बांधा सडपातळ आहे. त्याच्या उजव्या हातावर इंग्रजी अक्षरात जी.एन.असे गोंदलेले आहे. त्याच्या अंगावर गुलाबी रंगाचे मळकट फुल बाहीचे शर्ट व निळ्या रंगाची मळकट फुल पॅंट आहे.ओळख पटविण्याचे आवाहन करण्यात आले आहे.
