आयटी क्षेत्रातील दिग्गज इन्फोसिसचे संस्थापक एनआर नारायण मूर्ती यांनी बेंगळुरूमधील किंगफिशर टॉवर्समध्ये ५० कोटी रुपयांना एक आलिशान घर विकत घेतले आहे.
16व्या मजल्यावर असलेले हे घर 8,400 स्क्वेअर फूटमध्ये पसरले आहे. यात चार बेडरूम आणि पाच कार पार्किंगचा समावेश आहे. हा करार ₹59,500 प्रति चौरस फूट किंमतीवर निश्चित करण्यात आला आहे. चार वर्षांपूर्वी नारायण मूर्ती यांच्या पत्नी आणि राज्यसभा खासदार सुधा मूर्ती यांनी याच टॉवरमध्ये 23व्या मजल्यावर फ्लॅट खरेदी केला होता. या फ्लॅटसाठी 29 कोटी रुपये खर्च करण्यात आले.
किंगफिशर टॉवर्स हे सुमारे 81 घरे असलेले 34 मजली लक्झरी निवासी संकुल आहे. हे टॉवर 4.5 एकर जमिनीवर तीन ब्लॉकमध्ये पसरलेले आहेत. विजय मल्ल्या यांचे वडिलोपार्जित घर ज्या जागेवर उभे होते त्या जागेवर हे टॉवर बांधले आहेत. प्रेस्टीज ग्रुप आणि मल्ल्या यांच्या कंपनीच्या संयुक्त उपक्रमात २०१० मध्ये हा प्रकल्प विकसित करण्यात आला होता. हे लक्झरी अपार्टमेंट्स मध्ये सुरुवातीला ₹ 22,000 प्रति चौरस फूट दराने फ्लॅट विकले जायचे
दर तिमाहीत 5 लाखांचे देखभाल शुल्क
किंगफिशर टॉवर्समधील आलिशान जीवनशैलीसाठी रहिवाशांना दर तिमाहीत सुमारे 5 लाख रुपये देखभाल शुल्क भरावे लागते. उच्चभ्रू वर्गासाठी खास तयार करण्यात आलेला हा टॉवर आधुनिक सुखसोयींच्या बाबतीत अनन्यसाधारण आहे.
नारायण मूर्ती आणि त्यांची पत्नी, सुधा मूर्ती, जे स्वत: एक प्रसिद्ध लेखक आणि सामाजिक कार्यकर्त्या आहेत, ते भारतातील अनेक प्रतिष्ठित आणि सामाजिक प्रकल्पांसाठी देखील ओळखले जातात. त्यांनी केलेली ही गुंतवणूक बंगळुरूच्या रिअल इस्टेट मार्केटच्या दिशेवर आणि मागणीवरही परिणाम करणारी ठरू शकते.
