पाचोरा,प्रतिनिधी
Pachora ISKCON Temple : आंतरराष्ट्रीय कृष्णभावनामृत संघ (इस्कॉन) संचालित भगवान श्री जगन्नाथ मंदिराचा द्वितीय वर्धापन दिन सोहळा मोठ्या भक्तिभावाने आणि उत्साहात नुकताच संपन्न झाला. वरखेडी रोडवरील इस्कॉन मंदिरात पार पडलेल्या या भव्य सोहळ्याला हजारो भाविकांनी उपस्थिती लावली.
भक्तिमय वातावरणात विविध धार्मिक कार्यक्रम
सोहळ्याची सुरुवात श्री विग्रह अभिषेक आणि पुष्पअभिषेकाने झाली. मंत्रोच्चार आणि वेदमंत्रांनी संपूर्ण मंदिर परिसर भक्तिमय झाला. यानंतर श्रीमद्भगवद्गीतेवर आधारित प्रवचन झाले, ज्यामध्ये संत-विद्वानांनी धर्म आणि भक्ती यांचे महत्त्व स्पष्ट केले. सायंकाळी मंदिर परिसरात भजन, कीर्तन आणि भक्तिगीतांवर नृत्याचा विशेष कार्यक्रम पार पडला. भाविकांनी ताल धरत भक्तिरसात न्हाल्याने संपूर्ण वातावरण भक्तिमय झाले.
विशेष सजावट, दीपोत्सव आणि फुलांच्या रांगोळ्यांनी मंदिर परिसर उजळून गेला. कार्यक्रमाच्या शेवटी महाप्रसादाचे वाटप करण्यात आले. सर्व भाविकांनी भक्तिपूर्वक महाप्रसाद ग्रहण केला आणि इस्कॉन मंदिर व्यवस्थापनाच्या उत्तम आयोजनाबद्दल समाधान व्यक्त केले.
विशेष आकर्षण
धार्मिक आणि आध्यात्मिक वातावरण, विशेष सजावट, दीपोत्सव आणि रांगोळीने मंदिर परिसर उजळला. संतांचे प्रवचन आणि कीर्तन, भगवद्भक्त संतांचा सन्माननीय सहभाग. पुष्पअभिषेक व संकीर्तन, मंत्रोच्चार, संकीर्तन, भक्तिगीतांवर नृत्य आणि श्री जगन्नाथांचा भव्य पुष्पअभिषेक. सर्व भाविकांसाठी मोफत महाप्रसादाची व्यवस्था. श्री जगन्नाथ मंदिर (इस्कॉन) केवळ एक धार्मिक स्थळ नसून, समाजहिताचे विविध उपक्रम येथे राबवले जातात.
संकीर्तन आणि हरिनाम सप्ताहाचे आयोजन
या भव्य सोहळ्यात स्थानीय तसेच विविध भागांतून आलेल्या भक्तगणांनी उत्स्फूर्त सहभाग नोंदवला. अनेक प्रतिष्ठित संत, धार्मिक विद्वान आणि सामाजिक क्षेत्रातील मान्यवरांनीही उपस्थित राहून या कार्यक्रमाची शोभा वाढवली. मंदिर समिती व इस्कॉन संस्थेच्या पदाधिकाऱ्यांनी कार्यक्रम यशस्वीतेसाठी परिश्रम घेतले. भाविकांनी मोठ्या संख्येने उपस्थित राहून हा सोहळा भक्तिरसपूर्ण केला आणि यामुळे संपूर्ण पाचोरा शहरात भक्तिमय वातावरण निर्माण झाले.
