Secret Revealed of Naga बारा वर्षातून एकदा महा कुंभमेळ्याचे आयोजन केल्या जाते. यंदाचा कुंभमेळा 13 जानेवारीपासून सुरू झाला आहे. या काळात नागा साधू हे आकर्षणाचे केंद्र असतात. येथे मोठ्या संख्येने नागा साधू दिसतात मात्र यानंतर हे साधू कुठे दिसत नाही मग ते कुठे गायब होतात? जर हा प्रश्न तुमच्या मनात वारंवार येत असेल, तर या प्रश्नाचे उत्तर महाकुंभाचे रुद्राक्ष बाबा चैतन्य गिरी यांनी दिले आहे.
त्यांनी संवाद साधताना या सांगितले की, कुंभमेळ्यानंतर काही नागा हिमालयात जातात, काही सातपुड्याला जातात, बरेच जण द्रोणगिरीला जातात आणि बरेच जण किष्किंधाला जातात. रुद्राक्ष बाबा चैतन्य गिरी म्हणाले की नागा सेना ही सनातनी आहे. रुद्राक्ष बाबा चैतन्य गिरी यांनी त्यांच्या पोशाखावर म्हटले की, हे कपडे आमचे अलंकार आहेत. जसे तुम्ही लोक पँट आणि शर्ट घालता, तसेच हे नागांचे कपडे आहेत. देवांच्या काळात, कार्तिकेयला सेनापती बनवण्यात आले, गणेशाला गणाध्यक्ष बनवण्यात आले, शनिदेवाला न्यायदेव बनवण्यात आले, त्याचप्रमाणे नागा हे पृथ्वीचे पुत्र आहेत.
हेही वाचा : धर्मरक्षकांच्या वीरतेचा इतिहास! १११ नागा साधूंनी पराजित केले ४००० अफगाण सैनिक
दुसऱ्या नागा बाबांनी पूर्ण त्याग करायला सांगितले. तरच भक्तीमार्गात पूर्णता येईल. जेव्हा एखादी परिस्थिती उद्भवते तेव्हाच माणसाच्या मनात ही भावना येते. जसे एखाद्या देवतेची एक ओळख असते आणि तो विशेष कपडे घालतो. अशाप्रकारे नागांचे कपडे राख आहेत . तसेच भोलेनाथाला राखेने सजवले जाते. महंत आशुतोष गिरी म्हणाले की, आखाड्याचा नियम असा आहे की मूल ज्या स्थितीत जन्माला येते त्याच स्थितीत आखाड्यात यावे लागते. म्हणूनच ते जगाचा त्याग करतात. पिंडदान सर्वांसाठी केले जाते. आम्ही १७ पिंडदान सादर करतो. ज्यामध्ये ८ जन्मापूर्वीचे आहेत आणि ८ जन्मानंतरचे आहेत. एक पिंडदान स्वतःसाठी असते. ते जगासाठी मृत आहेत.
