‘सरप्राईज आहे…’, वहिनीने डोळ्यावर पट्टी बांधून रूममध्ये नेलं अन्; ऐकून पोलिसही चक्रावले…

Sister-in-law and sister-in-law story : वहिनीने वाढदिवसानिमित्त गिफ्ट देण्याच्या बहाण्याने नणंदला डोळ्यावर पट्टी बांधून रूममध्ये नेले; त्यानंतर जे काही केले, ते ऐकून पोलिसही चक्रावले आहेत. चला, नेमकं काय घडलंय? हे जाणून घेऊयात.

पोलीस सूत्रानुसार, गिरीश अग्रवाल यांचा मुलगा शिवांशू याने गेल्या वर्षी पूजा नावाच्या महिलेशी प्रेमविवाह केला होता. रविवारी सकाळी पूजाचा पती आईसोबत एका नातेवाईकाच्या घरी, तर वडील हे कामावर गेले होते. घरी फक्त नणंद प्रिया आणि तिची वहिनी पूजाच होत्या.

सर्वजण घराबाहेर पडल्यानंतर, वहिनी पूजाने नणंद प्रियाला सांगितले की, “दीदी, तुझा वाढदिवस येत आहे. म्हणून मी तुला एक सरप्राईज देऊ इच्छिते.” नणंद प्रियाने सुरुवातीला नकार दिला, पण वहिनी पूजाने आग्रह धरला. नणंद प्रिया सहमत झाली. वहिनी पूजाने नणंद प्रियाला डोळे बंद करण्यास सांगितले. त्यानंतर प्रियाचा हात धरला आणि तिला एका खोलीत नेले.

पूजा प्रियाला खोलीत घेऊन गेली, खुर्चीवर बसवले आणि दुपट्ट्याने तिच्या डोळ्यावर पट्टी बांधली. शिवाय, तिने प्रियाचे हात टॉवेलने बांधले. त्यानंतर पूजाने तिच्या नणंदवर रोलिंग पिन, फ्राईंग पॅन आणि इतर जे काही हाती आले, त्याने हल्ला केला. प्रिया गंभीर जखमी झाली आणि ओरडत खोलीतून बाहेर पळत गेली, परंतु तिचे डोळे स्कार्फने झाकलेले होते आणि तिचे हात बांधलेले होते.

प्रियाचा रडण्याचा आवाज ऐकून शेजाऱ्यांनी धाव घेतली, तिला रुग्णालयात दाखल केले. हल्ल्यामुळे प्रियाचा चेहरा खूपच विद्रूप झाला होता. शेजाऱ्यांनी प्रियाच्या कुटुंबाला आणि पोलिसांना माहिती दिली. पूजाची सासू घरी परतली तेव्हा खोलीची अवस्था पाहून ती घाबरली. संपूर्ण खोलीत सर्वत्र रक्त होते.

चेहऱ्यावर आणि डोक्यावर ५० हून अधिक वार

प्रियाच्या आईने सांगितले की प्रियाच्या चेहऱ्यावर आणि डोक्यावर ५० हून अधिक वार झाले आहेत. प्रियाची प्रकृती गंभीर आहे. उत्तर प्रदेशच्या आग्रा येथून ही धक्कादायक बातमी समोर आली आहे. पोलिसांनी आरोपी वहिनी पूजाला ताब्यात घेतले असून, तिची चौकशी सुरू आहे.