---Advertisement---
तरुण भारत लाईव्ह न्यूज । २९ नोव्हेंबर २०२२ । पुणे जिल्ह्यातील २३ वर्षीय तरुणाने गळफास घेऊन आत्महत्या केल्याची धक्कादायक घटना घडली आहे. विशेष बाब म्हणजे, त्याने ‘एक दिवस सगळ्यांच्या स्टेट्सला माझा फोटो असणार आणि कॅप्शन असणार RIP’ असं स्टेट्स व्हॉट्सअपवर ठेवून आत्महत्या केली आहे. या घटनेमुळे परिसरात एकच खळबळ उडाली आहे.
संकते प्रकाश लोणकर (वय २३) असं आत्महत्या केलेल्या तरुणाचं नाव असून दौंड तालुक्यातील केडगाव येथील युवक आहे. त्याने आत्महत्या करण्यापूर्वी गळफास घेण्याचे प्रतिकात्मक व्हॉट्सअप स्टेटस ठेऊन आत्महत्या केली. ‘एक दिवस सगळ्यांच्या स्टेट्सला माझा फोटो असणार आणि कॅप्शन असणार RIP ‘, असं स्टेट्स संकेतने व्हॉट्सअपवर ठेवलं होतं. त्यानंतर संकेतने त्याच्या रुमची आतून कडी लावली. सकाळी जेव्हा कुटुंबियांनी स्टेट्स पाहिले तेव्हा त्यांना धक्काच बसला. त्यांनी रुमचा दरवाजा ठोकला परंतु आतून काही प्रतिसाद न आल्याने त्यांनी दरवाजा तोडला असता संकेतचा मृतदेह आढळून आला.
आत्महत्येमागे सेक्सटॉर्शन प्रकार असल्याचा संशय नातेवाईकांमधून व्यक्त करण्यात आला आहे. संकेतने वयाच्या अवघ्या 23 व्या वर्षी टोकाचे पाऊल उचलल्यामुळे परिसरात खळबळ उडाली आहे. या प्रकरणाचा अधिक तपास पोलीस करत आहे.
