सलमान खान च्या प्रत्येक चित्रपटाची प्रेक्षक आतुरतेने वाट पाहत असतात. तसेच त्याचे या आधी आलेले टायगर चित्रपटाला त्याच्या प्रेक्षकानी भरभरून प्रतिसाद दिला आहे.आता सलमानच्या ‘टायगर 3’ च्या चित्रपटाची उत्सुकता सगळ्यांना लागली आहे.
कारण शनिवारी ‘टायगर 3’ चे फर्स्ट लूक पोस्टर समोर आले आहे, जे सलमान खानने सोशल मीडियावर शेअर केले आहे. इंग्रजी, हिंदी, तमिळ आणि तेलगूमध्ये चित्रपटाचे पोस्टर वापरून सलमानने इंस्टाग्रामवर लिहिले, “आ रहा हूं #Tiger3 दिवाळी 2023 ला. #Tiger3 #YRF50 सह फक्त तुमच्या जवळच्या मोठ्या स्क्रीनवर साजरा करा.
यासोबतच टायगर हा यशराजच्या मागील स्पाय थ्रिलर ‘वॉर’ आणि ‘पठाण’ सारखा पॅन इंडिया चित्रपट असेल अशी माहितीही सलमानने दिली आहे. सलमान खान आणि कतरिना कैफचा ‘टायगर 3’ हिंदी, तमिळ आणि तेलगू भाषांमध्ये रिलीज होणार आहे. या चित्रपटाबद्दल चाहत्यांना खूप उत्सुकता आहे, हे स्वाभाविक आहे कारण ‘टायगर जिंदा है’च्या अफाट यशानंतर 6 वर्षांनंतर सलमान आणि कतरिना ही जोडी मोठ्या पडद्यावर पुनरागमन करत आहे.
