महाराष्ट्र राज्य परिवहन महामंडळाच्या (MSRTC) व्हेईकल ट्रॅकिंग सिस्टिममुळे एसटी बसच्या प्रवाशांसाठी एक मोठी सुविधा उपलब्ध झाली आहे. ही सुविधा प्रवाशांसाठी व त्यांच्या नातेवाईकांसाठी खूपच उपयुक्त ठरणार आहे. अर्थात नवर्षापासून बसगाड्यांचे लोकेशन प्रवाशांच्या मोबाईलवर दिसणार आहे.
सुविधेचे फायदे
बसचे थेट लोकेशन
महामंडळाच्या ‘MSRTC’ ॲपद्वारे प्रत्येक बसचे स्थान व अंदाजे पोहोचण्याचा वेळ समजेल.
गुगल मॅपच्या साहाय्याने बस कधी स्थानकावर पोहोचेल, हे अचूकपणे पाहता येईल.
प्रवाशांची काळजी कमी होणार
बस उशिरा असल्यास, तांत्रिक बिघाड झाल्यास किंवा अडचणी आल्यास त्याची माहिती ॲपवर मिळेल.
नातेवाईकांना बसची लोकेशन व वेळ कळल्यामुळे ताटकळत वाट पाहण्याचे त्रास होणार नाहीत.
अनधिकृत थांबे टाळले जातील
बस अनधिकृत ठिकाणी थांबली असल्यास याची माहिती वरिष्ठ अधिकाऱ्यांना मिळेल.
नियोजित वेळेनुसार बसचे थांबे नियंत्रित होतील.
तक्रारींचे निराकरण
प्रवाशांची तक्रार, जसे की बस हात केल्यावरही थांबत नाही, याची खात्री ॲपद्वारे करता येईल.
सिस्टिमचे टेक्निकल वैशिष्ट्ये
दहा हजार बसमध्ये आधीच GPS प्रणाली कार्यान्वित केली आहे.
2024 च्या सुरुवातीस उर्वरित पाच हजार बसगाड्यांमध्येही ही प्रणाली बसविली जाणार आहे.
नवे ॲप प्ले स्टोअरवरून डाऊनलोड करून वापरता येईल.
या प्रणालीमुळे लालपरीच्या सेवेत सुधारणा होऊन प्रवाशांचा प्रवास अधिक सुसूत्र व विश्वासार्ह होईल. एसटी महामंडळासाठीही तक्रारी कमी होऊन व्यवस्थापन सुलभ होईल.
ही सुविधा केव्हा होणार उपलब्ध ?
महाराष्ट्र राज्य परिवहन महामंडळाच्या ताफ्यातील सर्वच बसगाड्यांना व्हेईकल ट्रॅकिंग सिस्टिम बसविली जाणार आहे. आतापर्यंत जवळपास दहा हजार गाड्यांना ही यंत्रणा बसविली असून त्याची सद्य:स्थिती पाहून उर्वरित गाड्यांनाही ती यंत्रणा बसविली जाईल. नववर्षात एसटीच्या सर्व प्रवाशांना त्यांच्या मोबाईलवर प्रत्येक बसगाडीचे लोकेशन दिसेल, त्यादृष्टीने नियोजन सुरु आहे.
– डॉ. माधव कुसेकर, व्यवस्थापकीय संचालक, महाराष्ट्र राज्य परिवहन महामंडळ
