तरुण भारत लाईव्ह न्यूज । १ डिसेंबर २०२२ । भरधाव वेगाने जाणाऱ्या ट्रक चालकाचे नियंत्रण सुटल्याने ट्रक रस्त्याच्या विरुद्ध दिशेला असलेल्या निंबाच्या झाडाला जोरदार धडक दिली. यात चालक प्रकाश गंगाराम बासकले व क्लीनर शाहरुख खान सोहील खान हे दोघे ठार झाले. ही घटना आज सकाळी एरंडोल तालुक्यातील उमरदे गावाच्या खदान जवळ घडली.
उमरदे गावाचे पोलीस पाटील व संदीप सुखदेव पाटील हे दुचाकीने पहाटे साडेपाच वाजेच्या सुमारास शेतात जात असताना खदानी जवळ म्हसावद कडून एरंडोल कडे लोखंडी सळ्यानीं भरलेला माला एमपी ११ एच ०८५२ क्रमांकाचा ट्रक भरधाव वेगाने जात असताना दिसला ट्रक चालकाचे ट्रक वरील नियंत्रण सुटल्याने हा रस्त्याच्या विरुद्ध दिशेला उजव्या बाजूला असलेल्या निंबाच्या झाडाला ट्रकने मधोमध जोरात ठोस मारली.
त्यामुळे ट्रकचा समोरील भाग चक्काचूर होऊन ट्रक पलटी झाली. संदीप पाटील हे तात्काळ ट्रक जवळ गेले व ट्रक मधील चालक हा कोसळलेल्या झाडाच्या खाली दाबलेला आढळून आला व क्लीनर हा गंभीर जखमी अवस्थेत ट्रकच्या बाहेर फेकल्या गेलेल्या स्थितीत होता त्यावेळी त्आजूबाजूच्या शेतातील माणसे घटनास्थळी दाखल झाले.
सर्वांनी मदत कार्य केले. त्यानंतर १०८ क्रमांकाला व एरंडोल पोलिसांना अपघाताची माहिती देण्यात आली. जमलेल्या सर्व ग्रामस्थांनी जखमी क्लीनर शाहरुख खान याला रुग्णवाहिकेने ग्रामीण रुग्णालयात नेले त्यानंतर क्रेन बोलून अपघातामुळे अडकलेला ट्रक चालक प्रकाश गंगाराम बास्कले याची क्रेनच्या साह्याने झाड बाजूला करून सुटका केली तेव्हा तो बेशुद्ध अवस्थेत होता त्यालाही एरंडोल ग्रामीण रुग्णालयात औषध उपचारासाठी रवाना करण्यात आले.
ग्रामीण रुग्णालयात उपचार झाल्यावर शाहरुख खान याला जळगाव सामान्य रुग्णालयात दाखल करण्यात आले असता त्याचा मृत्यू झाला तर चालक प्रकाश बास्कले याचे ग्रामीण रुग्णालयात निधन झाले. पोलीस निरीक्षक ज्ञानेश्वर जाधव यांच्या मार्गदर्शनाखाली हेड कॉन्स्टेबल काशिनाथ पाटील, मिलिंद कुमावत ,राजेश पाटील अखिल मुजावर,अनिल पाटील हे पुढील तपास करीत आहेत.
