जळगाव : जळगाव ग्रामीण विधानसभा मतदारसंघातील जळगाव खुर्द येथे आज बुधवार, १५ रोजी सायंकाळी बारा गाड्या उत्सवात भाजपा महिला मोर्चा प्रदेश उपाध्यक्ष डॉ. केतकी पाटील ह्या सहभागी झाल्या.
जळगाव खुर्द येथील श्री खंडेराव महाराज देवस्थान पासून बारा गाड्यांना प्रारंभ झाला. संपूर्ण ग्राम प्रदक्षिणा करून बारा गाड्यांची सांगता झाली. याप्रसंगी बारा गाड्यांची प्रथा जाणून घेत, भगत आणि देव काठीचे दर्शन घेतले.
या वेळी जळगाव खुर्द ग्रामपंचायत सदस्य नरेंद्र भारंबे आणि माजी सरपंच भगवान महाजन यांच्या घरी भेट दिली. यावेळी डॉ. केतकी पाटील यांच्या समवेत माजी पालकमंत्री गुलाबराव देवकर यांच्यासह ललित विलास पाटील, माजी सरपंच दीपक पाटील, भगवान महाजन आदी उपस्थित होते. बारा गाड्यानिमित्त गावाला यात्रेचे स्वरूप प्राप्त झाले होते.
