दोन दुचाकी वाहनांची समोरासमोर धडक ; भीषण अपघात एक जण ठार जखमी

यावल : तालुक्यातील साकळी गावाजवळ यावल चोपडा राज्य महामार्गावर सांयकाळी झालेल्या दोन दुचाकी वाहनांच्या अपघातात एकाचा मृत्यु तर एक जण गंभीर जखमी झाल्याची घटना घडली आहे .

याबाबत मिळालेली माहीती अशी की, राजेन्द्र रमेश सपकाळे (वय ४५ वर्ष रा. वढोदा तालुका यावल) हे साकळी गावाकडून वढोदा गावाकडे आपल्याकडील (एमएच १९ ईबी ५४४२) या मोटरसायकलने येत होते. यावेळी वसंत महाजन यांच्या जिनिंगजळील पुलाच्या वळणावर सायंकाळी ५.३० ते ६ वाजेच्या सुमारास दुसऱ्या दुचाकीने त्यांना जोरदार धडक दिली. या समोरासमोर झालेल्या भीषण अपघातात राजेंद्र सपकाळे यांचा जागीच मृत्यू झाला. तर दुसरी व्यक्ती गंभीर जखमी झाला आहे.

यावल पोलीस ठाण्यात अपघाताचा गुन्हा दाखल झाला असून, मयत राजेंद्र सपकाळे यांचा मृतदेह यावलच्या ग्रामीण रुग्णालयात शवविच्छेदनासाठी आणण्यात आला आहे . अपघातात मयत झालेले राजेंद्र सपकाळे हे भाजपाचे कार्यकर्ते व जिल्हा परिषदचे माजी सदस्य प्रभाकर सोनवणे यांचे भाचे आहेत .