तरुण भारत लाईव्ह न्यूज । २ डिसेंबर २०२२ । धान कापणीनंतर आता सगळीकडे धनाची मळणी करण्याचं काम जोरात सुरु असून गोंदिया जिल्ह्यातुन एक हृदयद्रावक घटना समोर आली आहे. धान मळीचं काम करताना एका शेतकऱ्याच्या थ्रेशर मशीनमध्ये अडकून दुर्दैवी मृत्यू झाला आहे. या घटनेत शेतकऱ्याच्या शरीराचा अक्षरशः चेंदामेदा झाला. या प्रकरणी पोलिसांत नोंद करण्यात आली.
गुड्डू पाटील असं शेतकऱ्याचं नाव आहे. पटले हे गोंदिया जिल्ह्याच्या गोरेगाव तालुक्यातील सोनी येथे आपल्या कुटुंबियांसह वास्तव्यास होते. ते थ्रेशर मशीनवर धानाचे बोझे टाकत होते. पण अचानक ते थ्रेशरमध्ये सापडले गेले आणि यात त्यांचा दुर्दैवी अंत झाला. गोरेगाव तालुक्यातील देऊटोला शेतशिवारात ही दुर्दैवी घटना घडली. पटले यांच्या कुटुंबीयांना या दुर्दैवी घटनेबद्दल कळल्यानंतर त्यांच्यावर दुःखाचा डोंगर कोसळला.
गुड्डू पटले हे धानाचे बोझे टाकत असतेवेळी अचानक मशीनमच्या आत ओढून त्यात दबले गेले. यात त्यांच्या शरीराचा चेंदामेंदा होऊन मशीनमध्येच त्यांचा मृत्यू झाला. या घटनेची नोंद गोरेगाव तालुक्यातील पोलिसांनी घेतली असून आता पुढील तपास सुरु आहे.
